ຊາລ້າ ສົ່ງອາຫານ 1.000 ໂຕນ ຊ່ວຍບ້ານເກີດ ຕໍ່ສູ້ກັບ ໂຄວິດ-19

561

ໂມຮາເໝັດ ຊາລ້າ ກອງໜ້າທີມຊາດເອຢິບ ແລະ ລີເວີພູລ ບິແບ່ງນໍ້າໃຈ ບໍລິຈາກອາຫານ 1.000 ໂຕນ ຊ່ວຍເຫລືອປະຊາຊົນໃນບ້ານເກີດຂອງຕົນທີ່ບ້ານນາກຣິກ ໃນເມືອງບາສຢູນ ມົນທົນກາຣເບຍ ປະເທດເອຢິບ ໄລຍະພົບກັບວິກິດການລະບາດຂອງພະຍາດ ໂຄວິດ-19.

ຊາລ້າ ໄດ້ກ່າວໃຫ້ກຳລັງໃຈທຸກຄົນທີ່ໄດ້ຮັບຜົນກະທົບຈາກການລະບາດຂອງພະຍາດ ໂຄວິດ-19 ແລະ ຮ່ວມໃຈກັນປະຕິບັດຕາມຄຳແນະນຳຂອງລັດຖະບານ ກໍຄືໜ່ວຍງານດ້ານສາທາລະນະສຸກ ເພື່ອຫລີກລ່ຽງການຕິດເຊື້ອພະຍາດ. ຜ່ານມາມູນນິທິຂອງຊາລ້າ ໄດ້ໃຫ້ການຊ່ວຍລັດຖະບານເອຢິບຫລາຍດ້ານເປັນຕົ້ນດ້ານສາທາລະນະສຸກ, ການບຳບັດນໍ້າເສຍ ແລະ ການຊ່ວຍແກ້ໄຂຄວາມທຸກຍາກ ຫລ້າສຸດໄດ້ບໍລິຈາກ 2 ລ້ານ 5 ແສນປອນ ຊ່ວຍສະຖາບັນມະເຮັງແຫ່ງຊາດ.