ຊາວອາເມຣິກາອອກມາປະທ້ວງຕໍ່ຕ້ານຄຳສັ່ງປິດເມືອງຂອງເຈົ້າຄອງລັດ

607

ສຳນັກຂ່າວຕ່າງປະເທດລາຍງານຈາກນະຄອນຫຼວງວໍຊິງຕັນ ສະຫະລັດ ອາເມຣິກາ ເມື່ອວັນເສົາ ທີ 18 ເມສາ ວ່າ ປະຊາຊົນໃນຫຼາຍເມືອງທົ່ວສະຫະລັດ ຍັງສືບຕໍ່ຊຸມນຸມ ແລະ ເດີນຂະບວນປະທ້ວງໄປຕາມທ້ອງຖະໜົນ ເພື່ອສະແດງທ່າທີບໍ່ເຫັນດີກັບມາດຕະການປິດເມືອງຕາມແນວທາງຂອງເຈົ້າຄອງລັດແຕ່ລະແຫ່ງ ເພື່ອຄວບຄຸມການແຜ່ລະບາດຂອງໄວຣັສໂຄວິດ-19 ແລະ ແຜ່ລະບາດອອກໄປລັດໃຫຍ່ຫຼາຍຂຶ້ນ ເຖິງວ່າ ຈຳນວນຜູ້ເສຍຊີວິດໃນສະຫະລັດ ເກືອບ 4 ພັນຄົນ ຈາກຜູ້ປ່ວຍຫຼາຍກ່ວາ 7 ແສນຄົນ.

ການປະທ້ວງໃນແຕ່ລະຂົງເຂດດັ່ງກ່າວເປັນການສະແດງທ່າເທືອຕໍ່ຕ້ານມາດຕະການປິດເມືອງຂອງເຈົ້າຄອງແຕ່ລະລັດ ເຊິ່ງປະທານາທິບໍດີໂດນັລ ທຣຳ ບໍ່ໄດ້ໃຊ້ອຳນາດຂອງລັດຖະບານກາງ ສັ່ງປິດເມືອງ ແລະ ຕ້ອງການເປີດລະບົບເສດຖະກິດຂອງສະຫະລັດໃຫ້ໄວທີ່ສຸດ ກາຍເປັນຂໍ້ໂຕ້ແຍ່ງລະຫວ່າງ ທຣຳ ກັບ ເຈົ້າຄອງລັດແຕ່ລະແຫ່ງ ໂດຍລາຍງານມີຢ່າງນ້ອຍ 42 ຈາກ 50 ລັດ ລວມທັງລັດວໍຊິງຕັນ ເຊິ່ງມີມາດຕະການປິດເມືອງຢ່າງເຂັ້ມງວດຫຼາຍ ຫຼື ນ້ອຍ ຕາມແຕ່ລະຂົງເຂດ.

ในภาพอาจจะมี หนึ่งคนขึ้นไป และ สถานที่กลางแจ้ง

ທີ່ເມືອງຄອງຄອສ ເມືອງເອກຂອງລັດນິວແຮັມເຊຍ ມີປະຊາກອນປະມານ 400 ຄົນ ເຕົ້າໂຮມກັນໜ້າຫ້ອງການເຈົ້າຄອງລັດ ວ່າ ມາດຕະການປິດເມືອງ “ບໍ່ຈຳເປັນ” ເນື່ອງຈາກວ່າ ພາຍໃນລັດມີຜູ້ປ່ວຍບໍ່ຫຼາຍ ປະມານ 1.342 ຄົນ ແລະ ເສຍຊີວິດແລ້ວ 38 ຄົນ.

ในภาพอาจจะมี 1 คน, ต้นไม้, ท้องฟ้า และ สถานที่กลางแจ้ง

ຂະນະທີ່ ສະຖານະການໃນເມືອງອອສຕິນ ເມືອງເອກຂອງລັດເທັກຊັສ ມີປະຊາຊົນອອກມາເຕົ້າໂຮມເຊັ່ນກັນ ໂດຍຮຽກຮ້ອງໃຫ້ທ່ານເກຣັກ ແອັບບອດ ເຈົ້າຄອງລັດເທັກຊັສ ຢຸດຕິຄໍາສັ່ງປິດເມືອງ ເພື່ອເປີດລະບົບເສດຖະກິດຂອງລັດເທັກຊັດ ເຊິ່ງເປັນສູນກາງຂອງພາກໃຕ້. ນອກຈາກນີ້, ຍັງມີການປະທ້ວງຢູ່ໃນລັດມິນນີໂຊຕາ, ລັດໄອດາໂຮ, ລັດອິນເດຍນາ, ລັດມິຊິແກນ ແລະ ລັດແມຣິແລນ. ພ້ອມທັງວິພາກວິຈານການກຳນົດເງື່ອນໄຂຂອງລັດໃນການລົງທະບຽນຜູ້ຫວ່າງວຽກ ເຊິ່ງບໍ່ໄດ້ໃຫ້ສິດເຈົ້າຂອງທຸລະກິດ ເຖິງວ່າເປັນການປິດເມືອງຊົວຄາວກໍ່ຕາມ.

ในภาพอาจจะมี หนึ่งคนขึ้นไป, รถยนต์ และ สถานที่กลางแจ้ง

ດ້ານທ່ານແອນດຣູ ຄູໂອໂມ ເຈົ້າຄອງລັດນິວຢອກ ເຊິ່ງເປັນຂົງເຂດວິກິດທີ່ສຸດຂອງເຊື້ອໄວຣັສໂຄວິດ-19 ໃນສະຫະລັດ ລາຍງານມີຜູ້ເສຍຊີວິດປະຈຳວັນເພິ່ມອີກ 540 ຄົນ ເປັນສະຖິຕິປະຈຳວັນທີ່ຕໍ່າທີ່ສຸດ ນັບຕັ້ງແຕ່ວັນທີ 1 ເມສາ ຜ່ານມາ ເພິ່ມຈຳນວນຜູ້ເສຍຊີວິດທັງໝົດເປັນ 17.671 ຄົນ ແລະ ມີຜູ້ປ່ວຍໃໝ່ອີກ 7.090 ຄົນ ເພີ່ມຈຳນວນຜູ້ປ່ວຍທັງໝົດເປັນ 241.041 ຄົນ. ທ່ານຄູໂອໂມ ໄດ້ຂະຫຍາຍເວລາໃນການບັງຄັບໃຊ້ມາດຕະການປິດເມືອງຈົນເຖິງວັນທີ 15 ພຶດສະພາ.