ອິນໂດ ເສຍຊີວິດຈາກໂຄວິດ-19 ກວ່າ 500 ຄົນ ສູງທີ່ສຸດໃນອາຊຽນ

538

ສຳນັກຂ່າວຕ່າງປະເທດລາຍງານຈາກນະຄອນຫຼວງຈາກາຕ້າ ປະເທດອິນໂດເນເຊຍ ເມື່ອວັນເສົາ ທີ 18 ເມສາ ວ່າ ກະຊວງສາທາລະນະສຸກອິນໂດເນເຊຍ ຖະແຫຼງການ ເມື່ອວັນເສົາ ເປັນການລາຍງານປະຈຳ ວັນຈາກສະຖານະການພະຍາດໂຄວິດ-19 ວ່າ ໃນຮອບ 24 ຊົ່ວໂມງ ຜ່ານມາ ມີຜູ້ເສຍຊີວິດຕື່ມອີກ 15 ຄົນ ເພິ່ມເປັນ 535 ຄົນ ແລະ ຜູ້ປ່ວຍໃໝ່ 325 ຄົນ ເພິ່ມເປັນ 6.248 ຄົນ ຈາກຈຳນວນດັ່ງກ່າວປິ່ນປົວເຊົາແລ້ວ 631 ຄົນ.

ในภาพอาจจะมี หนึ่งคนขึ้นไป และ ผู้คนกำลังนั่ง

ທັງນີ້, ສະຖິຕິຜູ້ປ່ວຍ ແລະ ເສຍຊີວິດຈາກພະຍາດໂຄວິດ-19 ໃນປະເທດອິນໂດເນເຊຍ ສູງທີ່ສຸດໃນອາຊຽນ ຮອງລົງມາແມ່ນປະເທດຟີລິບປິນ ເຊິ່ງຢືນຢັນກວດພົບຜູ້ປ່ວຍໃໝ່ 209 ຄົນ ໃນຮອບວັນ ຜ່ານມາ ເພີ່ມຜູ້ປ່ວຍສະສົມເປັນ 6.087 ຄົນ ແລະ ຢືນຢັນຜູ້ເສຍຊີວິດເພິ່ມອີກ 10 ຄົນ ສະຖິຕິສະສົມຜູ້ເສຍຊີວິດເປັນ 397 ຄົນ ແລະ ປິ່ນປົວເຊົາເພິ່ມເປັນ 516 ຄົນ.

ในภาพอาจจะมี หนึ่งคนขึ้นไป, ผู้คนกำลังยืน, ท้องฟ้า, แสงอาทิตย์ลับขอบฟ้า, เมฆ, เด็ก และ สถานที่กลางแจ้ง

ຢ່າງໃດກໍ່ຕາມ, ຈາກຈຳນວນຜູ້ປ່ວຍສະສົມ ແລະ ຜູ້ເສຍຊີວິດສະສົມຈາກໄວຣັສໂຄວິດ-19 ໃນປະເທດຟີລິບປິນນັ້ນ ມີບຸກຄະລາກອນແພດແພດຕິດເຊື້ອຢ່າງນ້ອຍ 766 ຄົນ ແບ່ງອອກເປັນ 339 ຄົນເປັນທ່ານ ໝໍ ແລະ ພະຍາບານ 242 ຄົນ ສ່ວນບຸກຄະລາກອນແພດເສຍຊີວິດຈາກໂຄວິດ-19 ຢ່າງໜ້ອຍ 22 ຄົນ.