ວິກິດເສດຖະກິດໂລກອາດຈະເຮັດໃຫ້ຄົນເສຍຊີວິດຫຼາຍກວ່າໂຄວິດ

451

ບັນຫາເສດຖະກິດໂລກຕົກຕໍ່າສົ່ງຜົນກະທົບໂດຍກົງຕໍ່ອາຍຸໄຂໂດຍສະເລ່ຍຂອງຄົນເຮົາ ແລະ ອາດຈະກໍາຈັດບົດບາດຂອງຄົນໃນລະບົບເສດຖະກິດໂລກຈົນສຸດທ້າຍວິກິດເສດຖະກິດອາດຈະເປັນສາເຫດໃຫ້ຄົນທົ່ວໂລກເສຍຊີວິດຫຼາຍກວ່າໂຄວິດ-19ລະບາດ.

ບົດລາຍງານຂອງທ່ານ ຟິິລິບ ໂທມັດ ສຈ.ດ້ານບໍລິຫານຄວາມສ່ຽງຈາກມະຫາວິທະຍາໄລບຣິດຕອນ ປະເທດ ອັງກິດນໍາສະເໜີປະເດັນທີ່ໜ້າສົນໃຈວ່າບັນຫາເສດຖະກິດທີ່ກໍາລັງເກີດຂຶ້ນກັບເສດຖະກິດໂລກເນື່ອງຈາກຜົນກະທົບຈາກການແຜ່ລະບາດຂອງໂຄວິດ-19ດ້ວຍສາເຫດທີ່ວ່າເມື່ອກິດຈະກໍາທາງທຸລະກິດຢຸດບໍ່ເຄື່ອນໄຫວຜົນຜະລິດທາງເສດຖະກິດກໍຈະຫຼຸດລົງ,ແຮງງານກໍບໍ່ມີວຽກເຮັດງານທໍາຫຼືມີວຽກເຮັດແຕ່ອາດຈະຖືກຫຼຸດເງີນເດືອນ,ທ້າຍທີ່ສຸດເມື່ອສະຖານະການຮ້າຍແຮງຂຶ້ນອາດນໍາໄປສູ່ການເສຍຊີວິດຂອງຄົນເຮົາໃນຮູບແບບຕ່າງໆ.

ມະຫາວິທະຍາໄລຈອນ ຮອບກິນ ລາຍງານວ່າ:ນັບຈົນຮອດວັນທີ12ເດືອນ ເມສາທີ່ຜ່ານມາຈໍານວນຜູ້ຕິດເຊື້ອໂຄວິດ-19ທົ່ວໂລກເພີ່ມຂຶ້ນເປັນກວ່າ1,80ລ້ານຄົນ,ສ່ວນຈໍານວນຜູ້ເສຍຊີວິດທົ່ວໂລກຢູ່ທີ່ກວ່າ1,14ແສນຄົນ;ຂະນະທີ່ຜູ້ປິ່ນປົວເຊົາແລ້ວມີຈໍານວນກວ່າ4,20ແສນຄົນ.

ນັກເສດຖະສາດບາງຄົນຄາດຄະເນວ່າ:ຈໍານວນຜູ້ຕິດເຊື້ອ ແລະ ເສຍຊີວິດທົ່ວໂລກຈະເພີ່ມຂຶ້ນອີກຈໍານວນຫຼາຍຖ້າຫາກມາດຕະການຕ່າງໆຂອງທຸກປະເທດບໍ່ສາມາດສະກັດກັ້ນການລະບາດຂອງພະຍາດໄດ້.