ຈີນ ມອບຊ່ວຍເຫຼືອໜ້າກາກອະນາໄມ 100 ລ້ານອັນ ພ້ອມອຸປະກອນການແພດຈຳເປັນ ໃຫ້ປະເທດອາຊຽນ

510

ສຳນັກຂ່າວຕ່າງປະເທດລາຍງານຈາກນະຄອນຫຼວງປັກກິ່ງ ປະເທດຈີນ ເມື່ອວັນພຸດ ທີ 15 ເມສາ ວ່າ ນາຍົກລັດຖະມົນຕີຫຼີ່ ເຄີສຽງ ກ່າວໃນກອງປະຊຸມອາຊຽນບວກສາມ ເຊິ່ງເປັນການຮ່ວມຫາລືມກັບຜູ້ນຳຂອງ 10 ປະເທດສະມາຊິກອາຊຽນ ໂດຍມີປະທານາທິບໍດີມຸນ ແຈ-ອິນ ຜູ້ນຳເກົາຫຼີໃຕ້ ແລະ ນາຍົກລັດຖະມົນຕີຊິນໂຊະ ອາເບະ ຜູ້ນຳຍີ່ປຸ່ນ ເຂົ້າຮ່ວມ ໂດຍເປັນການຫາລືກັນຜ່ານລະບົບວິດິໂອຄອລ ເຊິ່ງຫວຽດນາມເຮັດໜ້າທີ່ເປັນປະທານກອງປະຊຸມອາຊຽນປະຈຳປີນີ້.

ในภาพอาจจะมี ผู้คนกำลังนั่ง, หน้าจอ และ สถานที่ในร่ม

ປະເດັນສຳຄັນຂອງກອງປະຊຸມແມ່ນກ່ຽວຂ້ອງກັບສະພາບການແຜ່ລະບາດຂອງເຊື້ອໄວຣັສໂຄວິດ-19 ເຊິ່ງໃນສ່ວນຂອງປະເທດຈີນນັ້ນ ທ່ານຫຼີ່ ໄດ້ກ່າວວ່າ ສະຖານະການໃນປັດຈຸບັນເປັນໄພຄຸກຄາມດ້ານສາທາລະນະສຸກລະດັບໂລກ ສົ່ງຜົນກະທົບຕໍ່ຄຸນນະພາບຊີວິດ ແລະ ຄວາມປອດໄພຂອງປະຊາຊົນທົ່ວໂລກ ພ້ອມທັງສ້າງຄວາມເຄັ່ງຕຶງຢ່າງໜັກໃຫ້ແກ່ກົນໄກເສດຖະກິດສາກົນ.

ในภาพอาจจะมี 3 คน, ข้อความ

ທັງນີ້, ອາຊຽນເປັນໜຶ່ງໃນຂົງເຂດທີ່ຜະເຊີນກັບການແຜ່ລະບາດຂອງເຊື້ອໄວຣັສໂຄວິດ-19 ໃນລະດັບທີ່ຮ້າຍແຮງ ເຊິ່ງລັດຖະບານປັກກິ່ງ ພ້ອມທີ່ຈະເພິ່ມການຊ່ວຍເຫຼືອ ໂດຍການແຈກຈ່າຍໜ້າກາກອະນາໄມດ້ານການແພດໃຫ້ກັບທຸກປະເທດ ລວມທັງໝົດ 100 ລ້ານອັນ, ຊຸດປ້ອງກັນສ່ວນບຸກຄົນ (PPE) 10 ລ້ານຊຸດ, ອຸປະກອນການແພດອື່ນໆ ແລະ ຢາປິ່ນປົວຈຳເປັນ ໂດຍມີພິທີມອບສົ່ງຢ່າງເປີດເຜີຍ.

ในภาพอาจจะมี 1 คน, ชุดสูท

ນອກຈາກນີ້, ທ່ານຫຼີ່ ຍັງຮຽກຮ້ອງໃຫ້ກອງປະຊຸມອາຊຽນບວກສາມ ເພິ່ມການສະໜັບສະໜູນໃຫ້ແກ່ການດຳເນີນວຽກຂອງອົງການອະນາໄມໂລກ (WHO) ທີ່ກຳລັງພົບກັບແຮງກົດດັນຢ່າງໜັກຈາກສະຫະລັດ. ອີກປະການໜຶ່ງ ທ່ານດຣ. ເທດຣອສ ແອັດນາຮອມ ເກເບຣເຍຊຸສ ຜູ້ອຳນວຍການອົງການອະນາໄມໂລກ ແລະ ທ່ານລິ້ມ ຈັອກ ຮອຍ ເລຂາທິການອາຊຽນຊາວບຣູໄນ ເຂົ້າຮ່ວມກອງປະຊຸມຄັ້ງນີ້ດ້ວຍ.