ພາຍຸທໍນາໂດ ພັດຖະຫຼົມພາກໃຕ້ອາເມຣິກາ ເສຍຊີວິດຢ່າງໜ້ອຍ 32 ຄົນ

732

ສຳນັກຂ່າວເອເອັຟພີ ລາຍງານຈາກນະຄອນຫຼວງວໍຊິງຕັນ ສະຫະລັດ ອາເມຣິກາ ເມື່ອວັນຈັນ ທີ 13 ເມສາ ວ່າ ພາຍຸທໍນາໂດພັດຜ່ານຂຶ້ນຝັ່ງຕັ້ງແຕ່ລັດເທັກຊັສ ເຄື່ອນທີ່ໄປເຖິງລັດຈໍເຈຍ ເຮັດໃຫ້ສຳນັກງານພະຍາກອນອາກາດແຫ່ງຊາດຂອງສະຫະລັດ ແຈ້ງເຕືອນໄພພາຍຸຮ້າຍແຮງລະດັບສູງສຸດ.

ในภาพอาจจะมี หนึ่งคนขึ้นไป และ สถานที่กลางแจ้ง

ທ່ານເຈມີ ມາໂຢ ນາຍົກເທສະມົນຕີເມືອງມອນໂຣ, ລັດຫຼຸຍເຊຍນາ ກ່າວວ່າ ຍົນທີ່ຈອດຢູ່ສະໜາມ ບິນພາກພື້ນ ໃນເມືອງມອນໂຣ ຖືກກະແສລົມພັດແຮງຈົນປິວໄປທັບກອງກັນ ແຕ່ໂຊກດີປະຊາຊົນທີ່ຢູ່ໃນສະໜາມບິນໄດ້ຮັບບາດເຈັບບໍ່ຫຼາຍ.

ในภาพอาจจะมี ท้องฟ้า, เมฆ, สถานที่กลางแจ้ง และ ธรรมชาติ

ອີງຕາມລາຍງານຂອງສະຖານາໂທລະທັດ The Weather Channel ມີຜູ້ເສຍຊີວິດຢ່າງໜ້ອຍ 32 ຄົນ ລວມທັງຢ່າງໜ້ອຍ 11 ຄົນ ໃນລັດມິສຊິສຊິບປີ, 9 ຄົນ ໃນລັດເຊົາແຄໂຣໄລນາ ແລະ ອີກ 7 ຄົນ ຢູ່ສູນຈອດລົດບ້ານເຄື່ອນທີ່ ໃກ້ເຂດເຊື່ອມລະຫວ່າງລັດຈໍເຈຍ ກັບ ລັດເທນເນສຊີ.

ในภาพอาจจะมี หนึ่งคนขึ้นไป, ท้องฟ้า, ต้นไม้, สนามบาสเก็ตบอล และ สถานที่กลางแจ้ง

ເຈົ້າໜ້າທີ່ສຳນັກງານພະຍາກອນສະພາບອາກາດຂອງສະຫະລັດ ປະຈຳລັດເທນເນສຊີ ເປີດເຜີຍວ່າ ພາຍຸທໍນາໂທ ເຄື່ອນທີ່ພັດຜ່ານເຂດລັດ ດ້ວຍຄວາມໄວລົມສູງເຖິງ 235 ກີໂລແມັດຕໍ່ຊົ່ວໂມງ ສ່ວນລາຍງານຂອງເວບໄຊທ໌ PowerOutage ລາຍງານວ່າ ຕົ້ນໄມ້ໃຫຍ່ຖືກລົມພັດລົ້ມທັບສາຍໄຟໃນຫຼາຍພື້ນທີ່ ເຮັດໃຫ້ປະຊາຊົນກວ່າ 1,3 ລ້ານຄົນ ຂາດໄຟຟ້າໃຊ້ຊົ່ວຄາວ.