3ອາທິດ ອັດຕາການວ່າງວຽກຂອງອາເມຣິກາ

546

ສຳນັກຂ່າວເອເອັຟພີ ລາຍງານຈາກນະຄອນຫຼວງວໍຊິງຕັນ ສະຫະລັດ ອາເມຣິກາ ເມື່ອວັນພະຫັດ ທີ 9 ເມສາ ວ່າ: ທະນາຄານກາງອາເມຣິກາ ຫຼື ເຟດ (Fed) ປະກາດໂຄງການສິນເຊື່ອໃໝ່ຫຼາຍປະເພດ ເມື່ອວັນພະຫັດຜ່ານມາ ເພື່ອອັດສີດເງິນ 2,3 ພັນຕື້ໂດລາ ເຂົ້າລະບົບເສດຖະກິດທີ່ໄດ້ຮັບຜົນກະທົບຂອງປະເທດ. ແຕ່ ທ່ານ ເຈໂຣມ ພາວເວລ ປະທານຄະນະກຳມະການຝ່າຍບໍລິຫານງານຂອງເຟດ ພະຍາຍາມປອບໃຈ ໂດຍກ່າວວ່າ: ເສດຖະກິດຂອງສະຫະລັດຈະຟື້ນຕົວຢ່າງແຂງແຮງ.

ในภาพอาจจะมี ท้องฟ้า, เมฆ และ สถานที่กลางแจ้ง

ແຈ້ງການຂອງເຟດມີຂຶ້ນໃນມື້ດຽວກັນກັບກະຊວງແຮງງານສະຫະລັດ ເຜີຍແຜ່ລາຍງານປະຈຳອາທິດ ຫຼ້າສຸດສະແດງໃຫ້ເຫັນປະຊາຊົນຍື່ນຄຳຮ້ອງຂໍຄວາມຊ່ວຍເຫຼືອຈາກລັດຖະບານ ຍ້ອນການວ່າງວຽກເພີ່ມຂຶ້ນ 6,6 ລ້ານຄົນ ໃນອາທິດຜ່ານມາ ເຊິ່ງເປັນຈຳນວນຍື່ນຄຳຮ້ອງເພີ່ມຈາກ 6,9 ລ້ານຄົນ ໃນອາທິດກ່ອນໜ້າ ແລະ ອີກ 3,3 ລ້ານຄົນ ໃນທ້າຍອາທິດຂອງວັນທີ 21 ມີນາ 2020

ในภาพอาจจะมี กลางคืน และ สถานที่กลางแจ้ง

ຕົວເລກຄົນວ່າງວຽກຫຼ້າສຸດຂອງສະຫະລັດ ຊີ້ໃຫ້ເຫັນເຖິງຜົນກະທົບຈາກການແຜ່ລະບາດຂອງເຊື້ອພະຍາດໂຄວິດ-19 ເຊິ່ງກຳລັງຈະເຮັດໃຫ້ຄົນອາເມຣິກາວ່າງວຽກຫຼາຍກວ່າໄລຍະວິກິດທາງການເງິນໂລກ ເມື່ອປີ 1998. ຂະນະທີ່ ທ່ານນາງ ຄຣິສຕາລິນາ ຈໍຈິເອວາ ກຳມະການຜູ້ບໍລິຫານກອງທຶນການເງິນສາກົນ (IMF) ໄດ້ກ່າວເຕືອນ ເມື່ອວັນພະຫັດ 9 ເມສາຜ່ານມາວ່າ ທົ່ວໂລກກຳລັງປະເຊີນກັບວິກິດທີ່ຮ້າຍແຮງທີ່ສຸດ ນັບຕັ້ງແຕ່ເກີດວິກິດເສດຖະກິດໂລກຕົກຕ່ຳຄັ້ງໃຫຍ່ ຫຼື (Great Depression) ໃນໄລຍະປີ 1929-1939.