ອິນໂດ ກຳນົດໄລຍະຫ່າງສັງຄົມ 14 ວັນ ຫຼຸດການແຜ່ລະບາດໂຄວິດ-19

528

ສຳນັກຂ່າວຕ່າງປະເທດລາຍງານຈາກນະຄອນຫຼວງຈາກາຕາ ປະເທດອິນໂດເນເຊຍ ເມື່ອວັນສຸກ ທີ 10 ເມສາ ວ່າ: ຫ້ອງການຕຳຫຼວດນະຄອນຫຼວງຈາກາຕາອອກຖະແຫຼງການ ເມື່ອວັນສຸກ ກ່ຽວກັບການບັງຄັບໃຊ້ມາດຕະການໄລຍະຫ່າງທາງສັງຄົມ 14 ວັນ ເພື່ອຄວບຄຸມການແຜ່ລະບາດຂອງພະຍາດໂຄວິດ-19 ເນື່ອງຈາກໃນນະຄອນຫຼວງຂອງອິນໂດເນເຊຍເປັນເຂດທີ່ກວດພົບຜູ້ປ່ວຍຫຼາຍທີ່ສຸດ.

ในภาพอาจจะมี หนึ่งคนขึ้นไป, ผู้คนกำลังยืน และ สถานที่กลางแจ้ง

ສຳລັບມາດຕະການສຳຄັນ ລວມເຖິງການໃສ່ໜ້າກາກອະນາໄມ ຫຼື ຜ້າອັດດັງ ເມື່ອຢູ່ນອກບ້ານເຮືອນ, ຫ້າມຮ່ວມກຸ່ມກາຍ 5 ຄົນ, ປິດສະຖານທີ່ບໍລິການ “ທີ່ບໍ່ຈຳເປັນ” ຕະຫຼອດໄລຍະດັ່ງກ່າວ ເຊິ່ງທາງຮ້ານຈຳໜ່າຍອາຫານແມ່ນເປີດໃຫ້ບໍລິການໄດ້ ແຕ່ຕ້ອງຈຳໜ່າຍແບບນຳເມືອກິນຢູ່ເຮືອນເທົ່ານັ້ນ. ນອກຈາກນີ້, ໂຮງຮຽນກໍປິດການຮຽນ-ການສອນ. ເນັ້ນໜັກໃຫ້ຄົນເຮັດວຽກຢູ່ເຮືອນ ແລະ ລະບົບຂົນສົ່ງສາທາລະນະໃຫ້ບໍລິການແບບຈຳກັດ.

ในภาพอาจจะมี สถานที่กลางแจ้ง

ຢ່າງໃດກໍຕາມ, ມາດຕະການຕ່າງໆຂອງນະຄອນຫຼວງຈາກາຕາ ແມ່ນເຂັ້ມງວດການກວດກາພາຫະນະເທິງຖະໜົນ ແລະ ການໃຫ້ບໍລິການຂອງລະບົບຂົນສົ່ງມວນຊົນເປັນກໍລະນີພິເສດ ໂດຍ ທ່ານ ອານິສ ບາສເວດານ ເຈົ້າຄອງນະຄອນຫຼວງຈາກາຕາ ກ່າວວ່າ: ລົດສ່ວນຕົວຂອງປະຊາຊົນຍັງສາມາດເດີນທາງໄປ-ມາໄດ້ປົກກະຕິ ແຕ່ໄດ້ຈຳກັດຈຳນວນຜູ້ໂດຍສານ “ໃຫ້ເໝາະສົມກັບສະຖານະການ” ສ່ວນລົດໂດຍສານປະຈຳທາງ, ລົດຮັບຈ້າງ ແລະ ລົດໄຟຟ້າ ໃຫ້ບໍລິການລະຫວ່າງ 6:00 ໂມງເຊົ້າ ຫາ 18:00 ໂມງ ແລະ ຕ້ອງຫຼຸດຈຳນວນຜູ້ໂດຍສານລົງ 50% ແຕ່ບໍລິການລົດຈັກຮັບຈ້າງສົ່ງຄົນແມ່ນໃຫ້ຢຸດບໍລິການຊົ່ວຄາວ ຫຼື ສາມາດສົ່ງໄດ້ແຕ່ອາຫານເທົ່ານັ້ນ.

ในภาพอาจจะมี ต้นไม้ และ สถานที่กลางแจ้ง

ທັງນີ້, ຖ້າພົບເຫັນການລະເມີດມາດຕະການ ຕຳຫຼວດເຊິ່ງມີອຳນາດສູງສຸດໃນການຈັດຕັ້ງສັງຄົມ ແລະ ເບິ່ງແຍງຄວາມປອດໄພ ອີງຕາມຄຳສັ່ງສະຖານະການສຸກເສີນ ເຊິ່ງປະທານາທິບໍດີໂຈໂຄ ວິໂດໂດ ໄດ້ປະກາດ ເມື່ອທ້າຍເດືອນມີນາ ຜ່ານມາ ໃຫ້ສາມາດຈັບຕົວຜູ້ກະທຳຜິດມາດຳເນີນຄະດີ ທີ່ມີບົດລົງໂທດສູງສຸດ ຫຼື ຮັບໂທດຈຳຄຸກ 1 ປີ ແລະ ປັບໃໝເງິນຈຳນວນຫຼາຍ.