ທົ່ວໂລກມີຜູ້ຕິດເຊື້ອໂຄວິດ 1 ລ້ານ 6 ແສນກວ່າຄົນ

662
  • ສະພາບການລະບາດຂອງພະຍາດໂຄວິດ-19 ຍັງທະວີຄວາມຮຸນແຮງຂຶ້ນ ຫຼ້າສຸດໃນເວລາ 7:55 ໂມງ ຂອງວັນທີ 10 ເມສາ 2020 ທົ່ວໂລກມີຜູ້ຕິດເຊື້ອພະຍາດໂຄວິດ ເພີ່ມຂຶ້ນ 1.600.800 ກວ່າຄົນ, ເສຍຊີວິດ 95.600 ກວ່າຄົນ ແລະ ປິ່ນປົວດີ 355.600 ກວ່າຄົນ.

ສຳລັບ ສປປ ລາວ ທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ລາຍງານໃຫ້ຮູ້ ໃນພິທີຖະແຫຼງຂ່າວໃນວັນທີ 9 ເມສານີ້ວ່າ: ມາຮອດວັນທີ 9 ເມສາ ມີຜູ້ຕິດເຊື້ອໄວຣັສນີ້ ທັງໝົດ 16 ຄົນ ເຊິ່ງນັບແຕ່ເດືອນມັງກອນ ຮອດວັນທີ 8 ເມສາ 2020 ໄດ້ເກັບຕົວຢ່າງມາກວດທັງໝົດ 903 ຄົນ

ກວດພົບເຊື້ອທັງໝົດ 16 ຄົນ, ໃນນັ້ນ 13 ຄົນ ປິ່ນປົວຢູ່ໂຮງໝໍມິດຕະພາບ ນະຄອນຫຼວງວຽງຈັນ ແລະ ອີກ 3 ຄົນ ປິ່ນປົວຢູ່ໂຮງໝໍແຂວງຫຼວງພະບາງ. ໃນຈໍານວນຜູ້ຕິດເຊື້ອ 16 ຄົນດັ່ງກ່າວ ມີຜູ້ສໍາຜັດໃກ້ຊິດທັງໝົດທີ່ໄດ້ຕິດຕາມ ແຕ່ວັນທີ 23 ມີນາ ຫາ ວັນທີ 8 ເມສາ 2020 ມີ ທັງໝົດ 292 ຄົນ, ໝົດກໍານົດການຕິດຕາມທັງໝົດ 217 ຄົນ, ຍັງສືບຕໍ່ຕິດຕາມທັງໝົດ 84 ຄົນ.