ຕໍານິແນວຄິດທົດລອງວັກແຊັງໂຄວິດກັບຄົນອາຟຣິກາ

515

ຜູ້ອໍານວຍການໃຫຍ່ອົງການອະນາໄມໂລກຕໍານິແນວຄິດການທົດລອງປະສິດທິພາບຂອງວັກແຊັງໃນທະວີບອາຟຣິກາ.

ທ່ານ ເທດຣອດ ແອດນາຮອມ ເກເບຣເຍຊຸດ ຜູ້ອໍານວຍການໃຫຍ່ອົງການອະນາໄມໂລກກ່າວວ່າ:ທະວີບອາຟຣິກາຈະບໍ່ມີທາງເປັນພື້ນທີ່ທົດລອງວັກແຊັງຊະນິດໃດ,ຂໍ້ສະເໜີດັ່ງກ່າວສະແດງໃຫ້ເຫັນທັດສະນະຄະຕິຂອງບຸກຄົນເຊິ່ງຍັງມີແນວຄິດສະໄໝລ່າເມືອງຂຶ້ນຖືເປັນການດູຖູກຄົນອື່ນຢ່າງຮ້າຍແຮງ,ຍິ່ງໄປກວ່ານັ້ນແນວຄິດດັ່ງກວ່າຍັງມາຈາກຜູ້ຊ່ຽວຊານດ້ານວິທະຍາສາດການແພດນໍາອີກ.

ທັງນີ້ຄວາມຈິງທີ່ວັກແຊັງຕ້ອງຜ່ານການທົດລອງກັບກຸ່ມຕົວຢ່າງກ່ອນໃຊ້ວຽກແທ້,ແຕ່ພື້ນທີ່ທົດລອງຈະເກີດຂຶ້ນທົ່ວໂລກບໍ່ວ່າຈະເປັນໃນທະວີບເອີຣົບ,ທະວີບອາຟຣິກາຫຼືສະຖານທີ່ແຫ່ງໃດກໍຕາມ.

 

ທ່ານ ເທດຣອດ ເປັນຄົນເອທິໂອເປຍ ແລະ ເປັນຜູ້ອໍານວຍການໃຫຍ່ອົງການອະນາໄມໂລກທີ່ມາຈາກປະເທດໃນທະວີບອາຟຣິກາ.