ກຸ່ມລາຊະະວົງຊາອຸ 150 ອົງ ຕິດເຊື້ອໂຄວິດ-19

634

ສຳນັກຂ່າວເດິ ນິວຢອກ ທາມສ໌ ຂອງອາເມຣິກາ ລາຍງານເມື່ອວັນສຸກ ທີ 10 ເມສາ ວ່າ ສະມາຊິກ ລາຊະວົງຊາອຸດິ ອາຣະເບຍ 150 ອົງ ຕິດເຊື້ອໄວຣັສໂຄໂຣນາສາຍພັນໃໝ່ ແລະ ໄດ້ຮັບຂໍ້ຄວາມຈາກໂຮງໝໍສະເພາະລາຊະວົງ ແຈ້ງເຕືອນໃຫ້ບຸກຄະລາກອນແພດກຽມພ້ອມປິ່ນປົນບຸກຄົນພິເສດຈາກທົ່ວປະເທດ.

ສື່ຂອງສະຫະລັດ ຍັງລະບຸວ່າ ໂຮງໝໍດັ່ງກ່າວໄດ້ກຽມຕຽງ 500 ໜ່ວຍ ເພື່ອພາລະກິດນີ້ໂດຍສະເພາະ ເນື່ອງຈາກອາດຈະມີສະມາຊິກລາຊະວົງເຂົ້າມາປິ່ນປົວພ້ອມກັນເປັນຈຳນວນຫຼາຍອົງ.
ສ່ວນສະມາຊິກລາຊະວົງ 150 ອົງນີ້ ຄາດວ່າໜຶ່ງໃນນັ້ນແມ່ນເຈົ້າຊາຍຜູ້ດຳລົງຕຳແໜ່ງເຈົ້າຄອງນະຄອນຫຼວງຣິຢາດ ຂອງປະເທດຊາອຸດີ ອາຣະເບຍ.

ຂະນະທີ່ ກະສັດຊັລມານ ແຫ່ງຊາອຸດິ ອາຣະເບຍ ພັກຢູ່ເກາະແຫ່ງໜຶ່ງໃກ້ກັບເມືອງເຈດດາ ໃນທະເລແດງ ທາງທິດຕາເວັນຕົກຂອງປະເທດ ເພື່ອຄວາມປອດໄພ ສ່ວນເຈົ້າຊາຍໂມຮຳເມັດ ບິນ ຊັລມານ ພັກຢູ່ເຂດຫ່າງໄກຊັ່ນກັນ.