ນາໆຊາດຄວນເລັ່ງສ້າງຕໍາແໜ່ງວຽກດ້ານການແພດຮັບມືການຂາດແຄນ

518

ອົງການອະນາໄມໂລກຮຽກຮ້ອງໃຫ້ນາໆຊາດຄວນເລັ່ງສ້າງຕໍາແໜ່ງວຽກດ້ານການແພດຢ່າງໜ້ອຍ6ລ້ານຕໍາແໜ່ງພາຍໃນປີ2030ເພື່ອທົດແທນກັບການຄາດຄະເນເລື່ອງການຂາດແຄນແພດທົ່ວໂລກຫຼັງຈາກໂຄວິດ-19ລະບາດ.

ບົດລາຍງານເຊິ່ງອົງການອະນາໄມໂລກຮ່ວມກັບສະພາການແພດສາກົນຫຼືໄອຊີເອັນເຜີຍແຜ່ໃນຄັ້ງນີ້ໃຊ້ຂໍ້ມູນໃນໄລຍະປີ2013-2018ຈາກປະເທດຕ່າງໆ191ປະເທດຊີ້ວ່າ:ແພດເປັນກຸ່ມບຸກຄະລາກອນທີ່ມີຈໍານວນຫຼາຍທີ່ສຸດໃນສາຍວຽກສາທາລະນະສຸກຄິດເປັນອັດຕາສ່ວນປະມານ59%ຂອງວິຊາຊີດ້ານສາທາລະນະສຸກໂດຍປັດຈຸບັນທົ່ວໂລກມີແພດເກືອບ28ລ້ານຄົນເຊິ່ງຕ້ອງການເພີ່ມອີກ5,9ລ້ານຄົນເພື່ອໃຊ້ເບິ່ງແຍງດູແລປະຊາກອນທີ່ມີຈໍານວນເພີ່ມຂຶ້ນ.

ຂໍ້ມູນສະແດງໃຫ້ເຫັນວ່າປະເທດທີ່ຂາດແຄນແພດຫຼາຍທີ່ສຸດຄືກຸ່ມປະເທດທຸກຍາກເຖິງປະເທດກໍາລັງພັດທະນາ,ຂະນະທີ່ກວ່າ80%ຂອງແພດທົ່ວໂລກເຮັດວຽກໃນກຸ່ມປະເທດເຫຼົ່ານີ້ເຮັດວຽກຢ່າງໜັກ.

ທ່ານ ທີໂດຣດ ອັດຮານອມ ກີບຣິເຍຊຸດ ຜູ້ອໍານວຍການໃຫຍ່ອົງການອະນາໄມໂລກກ່າວວ່າ:ແພດຄ້າຍຄືກະດູກສັນຫຼັງຂອງລະບົບສາທາລະນະສຸກ ແລະ ໃນຂະນະນີ້ແພດເປັນແນວໜ້າຮັບມືກັບການລະບາດຂອງໂຄວິດ-19.ບົດລາຍສະບັບນີ້ເນັ້ນຢໍ້າໃຫ້ເຫັນເຖິງຄວາມສໍາຄັນຂອງແພດ ແລະ ຮຽກຮ້ອງໃຫ້ແພດໄດ້ຮັບການສະໜັບສະໜູນທີ່ຈໍາເປັນ.