ໂລກຄາດແຄນແພດ6ລ້ານຄົນສ່ວນ28ລ້ານຄົນເຮັດວຽກໜັກ

618

ອົງການອະນາໄມໂລກຊີ້ສະຖານະການທົ່ວໂລກຂາດແຄນແພດ6ລ້ານຄົນເພື່ອຮັບມືກັບການລະບາດຂອງໂຄວິດ-19,ສ່ວນ28ລ້ານຄົນເຮັດວຽກໜັກ.

ຂະນະນີ້ມີເຈົ້າໜ້າທີ່ການແພດເສຍຊີວິດຈາກໂຄວິດ-19ໄປແລ້ວປະມານ100ຄົນຕະຫຼອດພະຍາບານຈໍານວນຫຼາຍ.

ອົງການອະນາໄມໂລກໃຫ້ຮູ້ວ່າ:ແພດ28ລ້ານຄົນທົ່ວໂລກເຊິ່ງຄິດເປັນອັດຕາສ່ວນ59%ຂອງບຸກຄະລາກອນທາງການແພດທັງໝົດມີວຽກລົ້ນມືຕັ້ງແຕ່ກ່ອນຈະເກີດວິກິດພະຍາດລະບາດ ແລະ ຕອນນີ້ບັນດາແພດທັງຫຼາຍຍັງຖືກສັງຄົມລັງກຽດເນື່ອງຈາກຢ້ານວ່າຈະນໍາພະຍາດມາສູ່ສັງຄົມ.

ການຂາດແຄນແພດສ່ວນໃຫຍ່ເກີດຂຶ້ນໃນກຸ່ມປະເທດທຸກຍາກຫາປານກາງເຊັ່ນບາງປະເທດໃນທະວີບອາຟຣິກາ,ທະວີບອາຊີ ແລະ ທະວີບອາເມຣິກາເປັນຕົ້ນໃນເວເນຊູເອລາເຊິ່ງຈໍານວນແພດຈົບໃໝ່ຍັງຕາມຫຼັງຈໍານວນປະຊາກອນທີ່ເພີ່ມຂຶ້ນ.