ຝຣັ່ງເກີດເຫດ ຊາຍກໍ່ເຫດໃຊ້ມີດໄລ່ແທງປະຊາຊົນເສຍຊີວິດ 2 ເຈັບ 7 ຄົນ

559

ສຳນັກຂ່າວຕ່າງປະເທດລາຍງານຈາກເມືອງລີຢົງ ປະເທດຝຣັ່ງ ເມື່ອວັນເສົາ ທີ 4 ເມສາ ວ່າ ເກີດເຫດກໍ່ຄວາມບໍ່ສະຫງົບເທິງຖະໜົນ ໃນເມືອງໂຣມັງສ໌-ຊູ-ອີແຊ ໃກ້ກັບເມືອງລີຢົງ ທາງພາກຕາເວັນອອກສ່ຽງໃຕ້ຂອງປະເທດຝຣັ່ງ ເມື່ອເວລາປະມານ 11:00 ໂມງຂອງວັນເສົາ ຜູ້ຊາຍຄົນໜຶ່ງໃຊ້ມີດໄລ່ແທງປະຊາຊົນແບບບໍ່ເລືອກໜ້າ ເຮັດໃຫ້ມີຜູ້ເຄາະຮ້າຍເສຍຊີວິດ 2 ຄົນ ໄດ້ຮັບບາດເຈັບອີກ 7 ຄົນ ໂດຍ 1 ໃນນັ້ນມີອາການສາຫັດ ຫຼັງເກີດເຫດເຈົ້າໜ້າທີ່ຕຳຫຼວດສາມາດຈັບຕົວຜູ້ກໍ່ເຫດ ແລະ ໄດ້ນຳຕົວໄປຫ້ອງການສອບສວນ.

ในภาพอาจจะมี 1 คน, กำลังยืน และ สถานที่กลางแจ้ง

ເຫດການດັ່ງກ່າວເກີດຂຶ້ນຂະນະທີ່ເມືອງໂຣມັງສ໌-ຊູ-ອີແຊ ມີຄຳສັ່ງປິດເມືອງ ເພື່ອສະກັດກັ້ນການແຜ່ລະບາດຂອງໄວຣັສໂຄວິດ-19 ແຕ່ກໍມີປະຊາຊົນບາງສ່ວນອອກນອກເຮືອນ ເພື່ອຊອກຊື້ສິ່ງຂອງທີ່ຈຳເປັນ ໂດຍປະຊາຊົນທີ່ເຫັນເຫດການຫຼາຍຄົນ ໄດ້ໃຫ້ຂໍ້ມູນກັບຕຳຫຼວດວ່າໄດ້ຍິນສຽງຜູ້ກໍ່ເຫດຮ້ອງສຽງດັງສັນລະເສີນພະເຈົ້າ ກ່ອນທີ່ຈະກໍ່ເຫດດັ່ງກ່າວ ແຕ່ເຈົ້າໜ້າທີ່ຍັງບໍ່ໄດ້ໃຫ້ການຢືນຢັນກັບຄຳພະຍານອ້າງເທື່ອ. ສ່ວນໄອຍະການຕໍ່ຕ້ານການກໍ່ການຮ້າຍ ໃຫ້ຮູ້ວ່າ: ການສືບສວນເບື້ອງຕົ້ນຜູ້ກໍ່ເຫດເປັນຊາວຊູດານ ເກີດປີ 1987 ແຕ່ບໍ່ໄດ້ບອກລາຍລະອຽດອື່ນໆ.

ในภาพอาจจะมี หนึ่งคนขึ้นไป, ผู้คนกำลังยืน, รถยนต์ และ สถานที่กลางแจ้ง

ທ່ານຄຣິສຕັອຟ ຄາສຕາເນີ ລັດຖະມົນຕີກະຊວງພາຍໃນຝຣັ່ງ ກ່າວວ່າ ເບື້ອງຕົ້ນຍັງບໍ່ມີຄວາມຊັດເຈນວ່າ ການກໍ່ເຫດຄັ້ງນີ້ມີສ່ວນກ່ຽວຂ້ອງກັບການປິດເມືອງ ຫຼື ບໍ່. ເຈົ້າໜ້າທີ່ຕຳຫຼວດກຳລັງສອບສວນ ເພື່ອຊອກຫາແຮງຈູງໃຈດັ່ງກ່າວ.