ນະຄອນນິວຢອກ ຢຶດອຸປະກອນການແພດ ເຂົ້າສ່ວນກາງເພື່ອແຈກຈ່າຍໃຫ້ໂຮງໝໍເອງ

534

ສຳນັກຂ່າວຕ່າງປະເທດລາຍງານຈາກນະຄອນນິວຢອກ ສະຫະລັດ ອາເມຣິກາ ເມື່ອວັນສຸກ ທີ 3 ເມສາ ວ່າ ທ່ານແອນດຣູ ຄູໂອໂມ ເຈົ້າຄອງນະຄອນນິວຢອກ ໄດ້ຖະແຫຼງເມື່ອວັນສຸກ ກ່ຽວກັບສະຖານະການແຜ່ລະບາດຂອງໄວຣັສໂຄໂຣນາສາຍພັນໃໝ່ ຫຼື ໂຄວິດ-19 ວ່າ ໄດ້ລົງນາມເຊັນຄຳສັ່ງໃຫ້ຝ່າຍບໍລິຫານລະດັບລັດ ຢຶດອຸປະກອນການແພດທັງໝົດຈາກໂຮງໝໍ ແລະ ຮ້ານຂາຍອຸປະກອນດັ່ງກ່າວ “ທີ່ຍັງບໍ່ໄດ້ນຳໃຊ້ເທື່ອ” ແລ້ວນຳໄປແຈກຈ່າຍໃຫ້ໂຮງໝໍທີ່ມີ “ຄວາມຕ້ອງການທີ່ສຸດ” ໂດຍສະເພາະໃນນະຄອນນິວຢອກ ແລະ ເກາະລອງ ຫຼື ລອງໄອແລນ.

ในภาพอาจจะมี ต้นไม้, ท้องฟ้า, ต้นพืช, ตาราง, สถานที่กลางแจ้ง และ ธรรมชาติ

ຖເາຫາກວ່າ ເຫດການຜ່ານພົ້ນວິກິດໄວຣັສລະບາດແລ້ວ ທາງການກໍ່ຈະນຳອຸປະກອນການແພດທີ່ຢຶດມາທັງໝົດສົ່ງຄືນໃຫ້ເຈົ້າຂອງ ຫຼື ຈ່າຍຄ່າຊົດເຊີຍໃຫ້. ແຕ່ ທ່ານຄູໂອໂມ ຍັງສະແດງຄວາມບໍ່ພໍໃຈທີ່ບໍ່ໄດ້ຮັບຄວາມຊ່ວຍເຫຼືອທີ່ພຽງພໍຈາກສ່ວນກາງ. ຂະນະທີ່ ລັດນິວຢອກເຊິ່ງເປັນ “ພື້ນທີ່ສີແດງ” ຂອງການແຜ່ລະບາດໂຄວິດ-19 ໃນສະຫະລັດ ຍັງຂາດແຄນໜ້າກາກອະນາໄມ, ຊຸດຄຸມປ້ອງກັນ ແລະ ເຄື່ອງຊ່ວຍຫາຍໃຈ. ໂດຍທ່ານຄູໂອໂມ ກ່າວວ່າ “ເປັນເລື່ອງທີ່ໜ້າເຫຼືອເຊື່ອ” ທີ່ລັດນິວຢອກບໍ່ສາມາດຜະລິດອຸປະກອນການແພດໄດ້ດ້ວຍຕົນເອງ ແລະ ຕ້ອງສັ່ງຊື້ສິນຄ້າຈາກຈີນ ພ້ອມທັງຍາດແຍ່ງກັບ 49 ລັດ ທີ່ຕ້ອງການອຸປະກອນເຊັ່ນດຽວກັນ.

ในภาพอาจจะมี หนึ่งคนขึ้นไป, ท้องฟ้า และ สถานที่กลางแจ้ง

ຢ່າງໃດກໍ່ຕາມ, ເຈົ້າຄອງນະຄອນນິວຢອກສະແດງຄວາມເພິ່ງພໍໃຈທີ່ປະຊາຊົນສ່ວນໃຫຍ່ໃຫ້ຄວາມຮ່ວມມືກັບມາດຕະການຕ່າງໆເພື່ອຫຼີກລ່ຽງການອອກຈາກເຮືອນ ແລະ ຮັກສາໄລຍະຫ່າງທາງສັງຄົມ ເຊິ່ງຊ່ວຍຫຼຸດຜ່ອນການແຜ່ລະບາດໄດ້ຢ່າງຫຼວງຫຼາຍ. ໃນລັດນິວຢອກ ມີຜູ້ເສຍຊີວິດເພິ່ມຂຶ້ນ 680 ຄົນ ພາຍໃນຮອບ 24 ຊົ່ວໂມງຫຼ້າສຸດ ສົ່ງຜົນໃຫ້ຜູ້ເສຍຊີວິດສະສົມເພິ່ມຂຶ້ນຢ່າງໜ້ອຍ 3.218 ຄົນ ຂະນະທີ່ ຜູ້ປ່ວຍເພິ່ມຂຶ້ນອີກ 10.423 ຄົນ ເຮັດໃຫ້ມີຜູ້ເສຍຊີວະດສະສົມຢ່າງໜ້ອຍ 103.476 ຄົນ.

ในภาพอาจจะมี ท้องฟ้า, เมฆ และ สถานที่กลางแจ้ง

ຂະນະທີ່ ສະຖິຕິຜູ້ເສຍຊີວິດສະສົມຈາກໄວຣັສໂຄວິດ-19 ໃນອາເມຣິກາ ເພິ່ມເປັນຢ່າງໜ້ອຍ 7.392 ຄົນ ຈາກຜູ້ປ່ວຍສະສົມຢ່າງໜ້ອຍ 277.161 ຄົນ ແລະ ປິ່ນປົວເຊົາແລ້ວ 12.283 ຄົນ.