ຄະນະລັດຖະບານຈີນເຫັນດີ ກຳນົດເອົາວັນທີ 4 ເມສານີ້ ໄວ້ອາໄລຜູ້ຈາກໄປໃນການຕໍ່ສູ້ກັບພະຍາດໂຄວິດ

848

ລັດຖະບານຈີນອອກແຈ້ງການວ່າ: ວັນທີ 4 ເມສາ 2020 ນີ້ທົ່ວປະເທດຈີນຈະຈັດພິທີໄວ້ອາໄລລະດັບຊາດ

ເພື່ອສະແດງເຖິງຄວາມໄວ້ອາໄລຢ່າງສຸດຊຶ້ງຂອງປະຊາຊົນບັນດາເຜົ່າທົ່ວປະເທດຈີນທີ່ມີຕໍ່ຜູ້ເສຍສະຫຼະຊີວິດໃນການຕ້ານພະຍາດ COVID-19 ພ້ອມດ້ວຍພີ່ນ້ອງຮ່ວມຊາດທີ່ເສຍຊີວິດຈາກພະຍາດດັ່ງກ່າວ, ຄະນະລັດຖະບານຈີນໄດ້ອອກແຈ້ງການໃນວັນທີ 3 ເມສານີ້ວ່າ: ໄດ້ຕົກລົງຈັດພິທີໄວ້ອາໄລລະດັບຊາດໃນວັນທີ 4 ເມສາ 2020 ນີ້.

ໃນໄລຍະນີ້, ທົ່ວປະເທດກໍຄືສະຖານທູດ,ສະຖານກົງສຸນຈີນປະຈຳຕ່າງປະເທດໃຫ້ຊັກທຸງຊາດລົງເຄິ່ງເສົາເພື່ອສະແດງຄວາມໄວ້ອາໄລ, ທົ່ວປະເທດງົດການບັນເທີງສາທາລະນະທຸກປະເພດ.ເລີ່ມແຕ່ ເວລາ 10 ໂມງຂອງວັນທີ 4 ເມສານີ້ເປັນຕົ້ນໄປ, ປະຊາຊົນທົ່ວປະເທດຈົ່ງຢືນກົມຫົວໄວ້ອາໄລເປັນເວລາ 3 ນາທີ. ລົດຍົນ,ລົດໄຟ,ເຮືອແລະກຳປັ່ນຕ້ອງເປີດໂຫວດ, ເປີດສຽງເຕືອນໄພປ້ອງກັນທາງອາກາດ.

Credit: CRI