ປະຊາກອນໂລກຕິດໂຄວິດ-19ທະລຸ1ລ້ານຄົນ

443
World Health Organization (WHO) Director-General Tedros Adhanom Ghebreyesus attends a daily press briefing on the new coronavirus dubbed COVID-19, at the WHO headquaters on March 2, 2020 in Geneva. - The World Health Organization said that the number of new coronavirus cases registered in the past day in China was far lower than in the rest of the world. (Photo by FABRICE COFFRINI / AFP) (Photo by FABRICE COFFRINI/AFP via Getty Images)

ອົງການອະນາໄມໂລກເຕືອນວ່າຈໍານວນປະຊາກອນໂລກຕິດໂຄວິດ-19ຂະນະນີ້ທະລຸ1ລ້ານຄົນແລ້ວ ແລະ ມີຜູ້ເສຍຊີວິດ50.000ຄົນໃນອີກບໍ່ເທົ່າມື້ຕໍ່ໜ້ານີ້.

ທ່ານ ທີໂດຣດ ອັດຮານອມ ກີບຣີເຍຊຸດ ຜູ້ອໍານວຍການໃຫຍ່ອົງການອະນາໄມໂລກກ່າວວ່າ:ເຈົ້າໜ້າທີ່ລະດັບສູງຂອງອົງການອະນາໄມໂລກມີຄວາມກັງວົນຫຼາຍຕໍ່ການເພີ່ມຂຶ້ນຢ່າງໄວວາຂອງຈໍານວນຜູ້ຕິດພະຍາດດັ່ງກ່າວຂະນະນີ້ມີການຄາດຄະເນກັນວ່າຈໍານວນຜູ້ຕິດພະຍາດທົ່ວໂລກທະລຸ1ລ້ານຄົນ ແລະ ເສຍຊີວິດກວ່າ50.000ຄົນໃນອີກບໍ່ເທົ່າມື້ຕໍ່ໜ້າ.

ໃນໄລຍະ5ອາທິດທີ່ຜ່ານມາພົບວ່າຈໍານວນຜູ້ຕິດພະຍາດລາຍໃໝ່ມີການເພີ່ມຂຶ້ນແບບກ້າວກະໂດດໂດຍມີການພົບຜູ້ຕິດພະຍາດໃນເກືອບທຸກປະເທດທົ່ວໂລກໃນຂະນະທີ່ເມື່ອ3ເດືອນກ່ອນປະຊາກອນໂລກຈໍານວນໜຶ່ງຍັງບໍ່ຮູ້ເລື່ອງກ່ຽວກັບພະຍາດນີ້ເລີຍ.

ທັງນີ້ມາດຕະການຕ່າງໆຂອງລັດຖະບານທົ່ວໂລກຍັງບໍ່ພຽງພໍໃນການສະກັດກັ້ນການລະບາດຂອງພະຍາດຮ້າຍນີ້ ແລະ ເຖິງວ່າສິ່ງນີ້ສົ່ງຜົນກະທົບຕໍ່ເສດຖະກິດ ແລະ ສັງຄົມຫຼາຍ,ແຕ່ຫາກບໍ່ມີການຈັດຕັ້ວປະຕິບັດໃນການຕໍ່ສູ້ກໍຈະເຮັດໃຫ້ມີຜູ້ເສຍຊີວິດຈາກການຕິດພະຍາດມະຫາສານ.