ເກົາຫຼີເໜືອຍັງບໍ່ມີຜູ້ຕິດເຊື້ອໂຄວິດ-19

577

ສຳນັກຂ່າວຕ່າງປະເທດລາຍງານຈາກນະຄອນຫຼວງໂຊ ປະເທດເກົາຫຼີໃຕ້ ເມື່ອວັນພະຫັດ ທີ 2 ເມສາ ວ່າ ທ່ານປາກ ມະຢອງ-ຊູ ຜູ້ອຳນວຍການດ້ານພະຍາດລະບາດວິທະຍາຈາກສູນຕໍ່ຕ້ານພະຍາດລະບາດຂອງເກົາຫຼີເໜືອ ໄດ້ໃຫ້ສຳພາດພິເສດກັບສຳນັກຂ່າວເອເອັຟພີ ໂດຍ ຢືນຢັນວ່າ ຢູ່ປະເທດເກົາຫຼີເໜືອ ຍັງບໍ່ມີຜູ້ຕິດເຊື້ອໄວຣັສໂຄໂຣນາສາຍພັນໃໝ່ ຫຼື ໂຄວິດ-19 ເຊິ່ງເປັນຜົນມາຈາກການວາງມາດຕະການຄວບຄຸມພະຍາດທີ່ມີປະສິດຕິພາບ ທັງໃນດ້ານການຄົ້ນຄວ້າວິທະຍາສາດການແພດ ແລະ ມາດຕະການສາທາລະນະສຸກຂັ້ນພື້ນຖານ ຄືການກັກຕົວສຳລັບການເຝົ້າລະວັງພະຍາດ.

ในภาพอาจจะมี หนึ่งคนขึ้นไป

ທັງນີ້, ມີລາຍງານວ່າ “ມາດຕະຖານ” ຂອງການກັກຕົວຕາມນະໂຍບາຍຂອງລັດຖະບານພຽງຢາງ ສູງສຸດແມ່ນ 30 ວັນ, ການໝັ່ນຂ້າເຊື້ອສິນຄ້າ ແລະ ການປິດຊາຍແດນທັງທາງບົກ, ທາງທະເລ ແລະ ທາງອາກາດ ເຊິ່ງສອດຄ່ອງກັບການສັງເກດຈາກພາຍນອກ ວ່າ ເກີດເຫດການໄດ້ບໍ່ດົນຫຼັງຈາກຈີນຢືນຢັນການຕິດເຊື້ອໄວຣັນໂຄໂຣນາສາຍພັນໃໝ່ ທາງເກົາຫຼີເໜືອໄດ້ປິດຊາຍແດນພາກເໜືອທີ່ຕິດກັບຈີນ ຕັ້ງແຕ່ຕົ້ນເດືອນມັງກອນເປັນຕົ້ນມາ ແລະ ຍົກລະດັບການກວດກາສິນຄ້າທີ່ຂົນສົ່ງຂ້າມຊາຍແດນ.

ในภาพอาจจะมี หนึ่งคนขึ้นไป, ผู้คนกำลังยืน และ สถานที่ในร่ม

ຢ່າງໃດກໍ່ຕາມ, ຫາກຢ້ອນກັບໄປເມື່ອເດືອນກຸມພາ ຜ່ານມາ ລັດຖະບານຣັສເຊຍໄດ້ສົ່ງມອບອຸປະກອນກວດຫາເຊື້ອໄວຣັສໂຄວິດ-19 ຈຳນວນ 1.500 ຊຸດໃຫ້ແກ່ເກົາຫຼີເໜືອ ເນື່ອງຈາກມີຄວາມສ່ຽງຈາກການແຜ່ລະບາດ ຂະນະທີ່ ສະພາຄວາມໝັ້ນຄົງແຫ່ງສະຫະປະຊາຊາດ (UNSC) ໄດ້ຜ່ອນຜັນມາດຕະການຂວໍ້າບາດບາງສ່ວນໃຫ້ກັບເກົາຫຼີເໜືອ ເພື່ອໃຫ້ອົງການແພດບໍ່ມີພົມແດນ ແລະ ກອງທຶນເພື່ອເດັກແຫ່ງສະຫະປະຊາຊາດ (UNICEF) ສົ່ງມອບອຸປະກອນການແພດ ແລະ ເຄື່ອງກວດພະຍາດໃຫ້ແກ່ເກົາຫຼີເໜືອ. ສ່ວນອົງການອະນາໄມໂລກ (WHO) ໄດ້ຈັດສັນງົບປະມານພິເສດ 900.000 ໂດລາ (ປະມານ 8 ຕື້ກີບ) ເພື່ອຊ່ວຍເຫຼືອເກົາຫຼີເໜືອແກ້ໄຂບັນຫາ ໂຄວິດ-19 ໂດຍສະເພາະ.