ປະເທດອາເມຣິກາ ເສຍຊີວິດຈາກໄວຣັສໂຄໂຣນາສາຍພັນໃໝ່ແລ້ວ 5.000 ຄົນ

605

ສຳນັກຂ່າວຕ່າງປະເທດລາຍງານຈາກນະຄອນຫຼວງວໍຊິງຕັນ ສະຫະລັດ ອາເມຣິກາ ເມື່ອວັນພຸດ ທີ 1 ເມສາ ວ່າ ສູນຄົ້ນຄວ້າພະຍາດຈາກເຊື້ອໄວຣັສໂຄໂຣນາສາຍພັນໃໝ່ຂອງມະຫາວິທະຍາໄລຈອນ ຮັອບກິນສ໌ ໄດ້ລາຍງານສະຖານະການຂອງໂຄວິດ-19 ໃນສະຫະລັດ ວ່າ ມີຜູ້ເສຍຊີວິດຢ່າງໜ້ອຍ 5.116 ຄົນ ຈາກຈຳນວນຜູ້ປ່ວຍສະສົມ 215.417 ຄົນ ແລະ ປິ່ນປົວເຊົາແລ້ວ 8.566 ຄົນ ໂດຍລັດນິວຢອກເປັນເຂດວິກິດທີ່ສຸດ ເຊິ່ງມີຜູ້ເສຍຊີວິດແລ້ວ 1.374 ຄົນ ຈາກສະຖິຕິຜູ້ປ່ວຍສະສົມຫຼາຍກວ່າ 80.000 ຄົນ.

ในภาพอาจจะมี ต้นไม้, ท้องฟ้า, ต้นพืช, ตาราง, สถานที่กลางแจ้ง และ ธรรมชาติ

ທັງນີ້, ສະຖາທີ່ສຳຄັນ ແລະ ສະຖານທີ່ກວ້າງຂວາງທຸກແຫ່ງໃນນະຄອນນິວຢອກ ຖືກປັບປ່ຽນໃຫ້ເປັນໂຮງໝໍພາກສະ ໜາມ ເພື່ອຮອງຮັບຜູ້ປ່ວຍ ດ້ານທ່ານແອນດຣູ ຄູໂອໂມ ເຈົ້າຄອງນະຄອນນິວຢອກ ມີຄຳສັ່ງເພິ່ມຕື່ມໃຫ້ປິດເດີ່ນຫຼິ້ນເດັກນ້ອຍທັງໝົດ ເນື່ອງຈາກ “ມີຄົນມາເຕົ້າໂຮມກັນຫຼາຍເກີນໄປ” ແຕ່ພື້ນທີ່ສີຂຽວແຫ່ງອື່ນກໍ່ຍັງເປີດໃຫ້ປະຊາຊົນໄດ້ໄປພັກຜ່ອນ “ແຕ່ມີເງືອນໄຂຕ້ອງຢູ່ຫ່າງກັນໄລຍະ 2 ແມັດ”.

ในภาพอาจจะมี หนึ่งคนขึ้นไป และ สถานที่กลางแจ้ง

ນອກຈາກນີ້, ຍັງມີລາຍງານວ່າ ເຈົ້າໜ້າທີ່ຕຳຫຼວດນະຄອນນິວຢອກ ເກືອບ 6.200 ຄົນ ຫຼື ປະມານ ໜຶ່ງສ່ວນສາມຂອງຫ້ອງການຕຳຫຼວດ “ມີອາການປ່ວຍ” ໂດຍປະມານ 4.800 ຄົນ “ມີອາການຄ້າຍຄືກັບໄຂ້ຫວັດ” ແຕ່ຍັງບໍ່ໄດ້ເປີດເຜີຍຊັດເຈນເທື່ອ ວ່າ ມີເຈົ້າໜ້າທີ່ຕິດເຊື້ອໄວຣັສໂຄວິດ-19 ຈັກຄົນ ແຕ່ເຈົ້າໜ້າທີ່ສ່ວນທີ່ເຫຼືອຍັງປະຕິບັດໜ້າທີ່ປົກກະຕິ ໂດຍເນັ້ນການອອກກວດກາ ແລະ ກະຈາຍສຽງປະຊາສຳພັນໃຫ້ປະຊາຊົນປະຕິບັດຕາມຄຳສັ່ງຂອງທາງການ.

ຂະນະທີ່ ທ່ານຣອນ ເດີຊານຕິສ ເຈົ້າຄອງລັດຟລໍຣິດາ ເຊິ່ງມີປະຊາກອນ 21 ລ້ານຄົນ ເປັນລັດໃຫຍ່ແຫ່ງຫຼ້າສຸດໃນປະເທດ ທີ່ໄດ້ປະກາດຄຳສັ່ງຫ້າມບໍ່ໃຫ້ປະຊາຊົນອອກຈາກທີ່ຢູ່ອາໄສ “ຍົກເວັ້ນກໍລະນີຈຳເປັນ” ເປັນໄລຍະ 30 ວັນ ເລິ່ມຕັ້ງແຕ່ວັນພະຫັດ ທີ 2 ເມສາ ຕາມເວລາທ້ອງຖິ່ນ.