ຝົນຕົກກໍ່ບໍ່ຫວັ່ນ ທ່ານສີຈິ້ນຜິງ ຢ້ຽມຢາມ ແຂວງເຈີ້ຈ່ຽງ ເນັ້ນຮັກສາຄວາມໝັ້ນຄົງຂອງຕ່ອງໂສ້ອຸດສາຫະກຳ

490

ວັນທີ 29 ມີນານີ້, ທ່ານ ສີຈິ້ນຜິງ ປະທານປະເທດຈີນ ໄດ້ສຳຫລວດກວດເບິ່ງ ແຂວງເຈີ້ຈ່ຽງ ເຊິ່ງເປັນການສຳຫລວດຄົ້ນຄວ້າເທື່ອທີ 4 ຂອງທ່ານ ສີຈິ້ນຜິງ ນັບແຕ່ເກີດມີສະພາບພະຍາດ COVID-19 ເປັນຕົ້ນມາ

ໃນການສຳຫລວດກວດເບິ່ງຄັ້ງນີ້, ທ່ານສີຈິ້ນຜິງ ໄດ້ເດີນທາງໄປເຖິງຍ່ານ ຊ່ວນ ຊ່ານ ໃນທ່າກຳປັ່ນໂຈ່ວຊ່ານ ຂອງນະຄອນນີງໂປ່ ກ່ອນເພື່ອສຳຫລວດສະພາບການຟື້ນຟູການເຄື່ອນໄຫວຂອງທ່າກຳປັ່ນ.
ໃນສະພາບທີ່ໄດ້ຮັບຜົນກະທົບຈາກພະຍາດ COVID-19, ໃນ 2 ເດືອນຕົ້ນປີ 2020 ທ່າກຳປັ່ນໂຈ່ວຊ່ານ ຂອງນະຄອນນີງໂປ່ ໄດ້ຄ່ຽນຖ່າຍສິນຄ້າບັນລຸ 163 ລ້ານໂຕນ ກວມ 98% ຂຶ້ນໄປ ເມື່ອທຽບໃສ່ໄລຍະດຽວກັນຂອງປີ 2019; ໂດຍສາມາດຄ່ຽນຖ່າຍສິນຄ້າທີ່ບັນຈຸໃນຕູ້ຄອນເທນເນີ ມາດຕະຖານບັນລຸ 4,06 ລ້ານຕູ້ຄອນເທນເນີ ກວມເກືອບ 90% ເມື່ອທຽບໃສ່ໄລຍະດຽວກັນຂອງປີ 2019

ຂໍ້ມູນສະຖິຕິໄດ້ຊີ້ໃຫ້ເຫັນວ່າ: ການຄ້າຕ່າງປະເທດຂອງຈີນ 90% ຂຶ້ນໄປຂອງການສົ່ງອອກ ແລະນຳເຂົ້າແມ່ນຜ່ານທ່າກຳປັ່ນ. ສຳລັບທ່າກຳປັ່ນ ທີ່ມີປະລິມານການຄ່ຽນຖ່າຍສິນຄ້າ ແລະປະລິມານການຄ່ຽນຖ່າຍຕູ້ຄອນເທນເນີ 10 ອັນດັບຂອງໂລກນັ້ນ ໃນຈີນ ມີເຖິງ 7 ທ່າກຳປັ່ນ. ສະນັ້ນ, ທ່າກຳປັ່ນມີຄວາມສຳຄັນໃນການຊຸກຍູ້ການຟື້ນຟູການຜະລິດ ແລະຮັກສາຄວາມໝັ້ນຄົງຂອງຕ່ອງໂສ້ອຸດສາຫະກຳ ແລະການສະໜອງຂອງທົ່ວໂລກການສຳຫລວດກວດເບິ່ງທ່າກຳປັ່ນໃຫຍ່ທີ່ສຸດໃນໂລກ ຂອງທ່ານ ສີຈິ້ນຜິງ ຄັ້ງນີ້ໄດ້ເປັນການສົ່ງສັນຍານຢ່າງຈະແຈ້ງວ່າ ຈີນໄດ້ຮ່ວມຮັກສາຄວາມໝັ້ນຄົງຂອງຕ່ອງໂສ້ອຸດສາຫະກຳ ແລະການສະໜອງຂອງໂລກ.
ຂໍ້ມູນ ຊີອາໄອ