ຍົນຟີລິບປິນລະເບີດ! ໃນຂະນະທີ່ຍ້າຍຄົນເຈັບໄປປົວຢູ່ຍີ່ປຸ່ນ ເຮັດ​ໃຫ້​ເສຍ​ຊ​ີ​ວິດທັງ​ໝົດຍົກ​ລ​ຳ 8 ຄົນ

794

ຍົນໂດຍສານທາງການແພດໄດ້ແຕກອອກເປັນແປວໄຟ ໃນຂະນະທີ່ຈະບິນຂຶ້ນອອກຈາກສະໜາມບິນມະນິລາ ນະຄອນຫຼວງຟີລິບປິນ ໃນຄ່ຳຄືນວັນອາທິດ 29 ມີ​ນາ 2020 ເພື່ອນຳຄົນເຈັບໄປຮັບການປິ່ນປົວຢູ່ປະເທດຍີ່ປຸ່ນ ເຮັດໃຫ້ຜູ້ໂດຍສານ ແລະ ຈຸບິນ ທັງໝົດ 8 ຄົນເສຍຊີວິດໝົດລໍາ

Reuters ແລະ AP ລາຍງານຈາກມະນິລາ ປະເທດຟີລິບປິນໃນວ່າຍົນໂດຍສານ Lion Air ກຳລັງຈະອອກເດີນທາງຈາກສະໜາມບິນສາກົນມະນີລາເຖິງສະໜາມບິນ Haneda ເຂດຊານເມືອງໂຕກຽວ ເພື່ອນຳຄົນເຈັບໄປຮັບການປິ່ນປົວຢູ່ປະເທດຍີ່ປຸ່ນ ແຕ່ຍົນໄດ້ຕົກລົງໃນຂະນະຂຶ້ນບິນ ແລະ ໄຟກໍລຸກຂຶ້ນ, ໃນຕອນທ້າຍຂອງການແລ່ນຂຶ້ນທີ່ສະໜາມບິນໃນເວລາ 8:00 ໂມງແລງ.

ໂດຍ​ມີ​ຜູ້​ໂດຍ​ສານ 8 ຄົນຄື: ນັກ​ບິນ 1 ຄົ​ນ, ລູ​ກ​ເຮືອ 2 ຄົນ, ແພດ 1 ຄົນ, ພະ​ຍາ​ບານ 1 ຄົນ, ເຈົ້າ​ໜ້າ​ທີ່​ການ​ບິນ​ແພດ 1 ຄົນ, ຄົນ​ສັນ​ຊາດ​ອາ​ເມຣິ​ກາ 1 ຄົນ ແລະ ກາ​ນາ​ດາ 1 ຄົນ ເຊິ່ງ​ເສຍຊີ​ວິດ​ທັງ​ໝົດ ໃນເບື້ອງຕົ້ນເຈົ້າໜ້າທີ່ຍັງບໍ່ທັນຮູ້ຊື່ທັງໝົດຂອງຜູ້ທີ່ເສຍຊີວິດ ລວມທັງສາເຫດຂອງອຸບັດເຫດຄັ້ງນີ້.