ສປຊ ຮຽກຮ້ອງທຸກສະໜາມຮົບໃຫ້ຢຸດຍິງໄລຍະພະຍາດລະບາດ

785

ສປຊ ຮຽກຮ້ອງທຸກສະໜາມຮົບໃນໂລກຂໍໃຫ້ພັກຮົບຊົ່ວຄາວແລ້ວຮ່ວມມືກັນຕໍ່ສູ້ກັບສົງຄາມທີ່ແທ້ຈິງຄືໄພຈາກໂຄວິດ-19.

ທ່ານ ອັນໂຕນິໂອ ກູເຕີເຣດ ເລຂາທິການສະຫະປະຊາຊາດ ຫຼື ສປຊ ກ່າວວ່າ: ການຄຸກຄາມຂອງໂຄວິດ-19 ໃນຕອນນີ້ບໍ່ແຕກຕ່າງຫຍັງກັບພາວະທີ່ໂລກກໍາລັງເກີດສົງຄາມ.

ດ້ວຍສາເຫດນີ້ຈຶ່ງຂໍຮຽກຮ້ອງທຸກສະໜາມຮົບໃນທົ່ວທຸກມຸມໂລກໃຫ້ຢຸດຍິງທັນທີ, ແລ້ວຫັນມາປົກປ້ອງທຸກຊີວິດໃນໂລກໃຫ້ຫຼຸດພົ້ນຈາກພະຍາດລະບາດໃນຄັ້ງນີ້.

ຂະນະດຽວກັນນອກຈາກພັກຮົບແລ້ວ,ການເປີດຊາຍແດນເພື່ອການສົ່ງມອບຄວາມຊ່ວຍເຫຼືອດ້ານມະນຸດສະທໍາໃຫ້ກັບປະເທດທີ່ເກີດບັນຫາໂດຍສະເພາະປະເທດທີ່ລະບົບສາທາລະນະສຸກຍັງບໍ່ໄດ້ມາດຕະຖານຫຼືອ່ອນແອຖືເປັນສິ່ງສໍາຄັນຢ່າງຍິ່ງ.