ອິຕາລີໜັກສຸດ! ວັນດຽວມີຜູ້ເສຍຊີວິດຈາກໂຄວິດ-19 ສູງເຖິງ 600 ກວ່າຄົນ

549

ວັນທີ 26 ມີນາ 2020 ປະເທດອິຕາລີ ເກີດເຫດມີຜູ້ຕິດເຊື້ອພະຍາດອັກເສບປອດໂຄວິດຕາຍໝູ່ເພີ່ມຂຶ້ນຢ່າງໜ້າຕົກໃຈ ຈຳນວນ 600 ກວ່າຄົນໃນວັນດຽວ. ຂະນະທີ່ຄົນເຈັບຈໍານວນຫຼາຍພັນຄົນລົ້ນໂຮງໝໍ. ໃນນັ້ນ, ຈໍານວນຜູ້ຕິດເຊື້ອອາຍຸສູງປະມານ 70-80 ປີ ຈໍານວນຫຼາຍໄດ້ອະນຸຍາດໃຫ້ປິ່ນປົວຢູ່ເຮືອນ ແລະ ເສຍຊີວິດລົງແບບງຽບໆ ໂດຍບໍ່ມີໂລງສົບບັນຈຸສົບຜູ້ເສຍຊີວິດ ເນື່ອງຈາກປະເທດດັ່ງກ່າວພວມປະເຊີນໜ້າກັບການຂາດເຂີນໂລງສົບ, ບຸກຄະລາກອນປິ່ນປົວ ແລະ ອຸປະກອນການແພດອື່ນໆ.

</p

ປັດຈຸບັນຍອດຜູ້ເສຍຊີວິດສະສົມໃນປະເທດອິຕາລີ ທະລຸເຖິງ 7.500 ກວ່າຄົນ ແລະ ຕິດເຊື້ອປະມານ 74.300 ຄົນ ເຊິ່ງເຮັດປະເທດອິຕາລີ ທໍາລາຍສະຖິຕິຍອດຜູ້ເສຍຊີວິດໃນຈີນໄປແລ້ວ. ແນວໃດກໍດີ, ລັດຖະບານຣັດເຊຍ ແລະ ສປ ຈີນ ໄດ້ສົ່ງທີມຊ່ຽວຊານແພດ ພ້ອມອຸປະກອນຄົບມືເຂົ້າໄປຊ່ວຍອິຕາລີແລ້ວ ເພື່ອຢຸດການແຜ່ລະບາດເຊື້ອພະຍາດໂຄວິດ.

"</p

ແຫຼ່ງຂ່າວຍັງອ້າງວ່າປະຊາຊົນຊາວອິຕາລີບໍ່ພໍໃຈກັບທ່າທີສະມາຊິກອີຢູ 27 ປະເທດ ໃນກໍລະນີເບິ່ງຂ້າມ ແລະ ບໍ່ສົນໃຈຕໍ່ຄໍາຂໍຮ້ອງການຊ່ວຍເຫຼືອພາຍໃນສະມາຊິກ. ໃນນັ້ນ, ມີປະຊາຊົນຈໍານວນບໍ່ໜ້ອຍໄດ້ຂຶ້ນປົດທຸງຊາດສະມາຊິກອີຢູ ແລ້ວເອົາທຸງຊາດຣັດເຊຍຂຶ້ນໃສ່ແທນແລ້ວຮ້ອງເປັ່ງສຽງອອກມາວ່າຣັດເຊຍ ແລະ ຈີນ ຄືເພື່ອນຈິງຂອງພວກຕົນເອງ.

</p

ຫຼ້າສຸດທົ່ວໂລກມີຍອດຜູ້ເສຍຊີວິດສະສົມເພີ່ມຂຶ້ນ 443.400 ຄົນ, ຜູ້ເສຍຊີວິດ 20.460 ຄົນ ແລະ ປິ່ນປົວຫາຍດີ 106.500 ຄົນ.

ແປຂ່າວ: ນໍ້າອອ້ຍຂົມ ແຫຼ່ງຂ່າວ: RT, South China Morning Post, BBC