ອົງການອະນາໄມໂລກ ປະເມີນວິກິດໂຄວິດ-19 ໃນ ອິຕາລີ ມີທິດທາງດີຂຶ້ນ

449

ສຳນັກຂ່າວຕ່າງປະເທດລາຍງານຈາກນະຄອນຫຼວງໂຣມ ປະເທດອິຕາລີ ເມື່ອວັນພະຫັດ ທີ 26 ມີນາ ວ່າ: ກະຊວງສາທາລະນະສຸກອິຕາລີ ລາຍງານສະຖານະການຂອງໄວຣັສໂຄໂຣນາສາຍພັນໃໝ່ ຫຼື ໂຄວິດ-19 ຕັ້ງແຕ່ກວດພົບຜູ້ປ່ວຍຄົນທຳອິດ ເມື່ອວັນທີ 31 ມັງກອນ ແລະ ເສຍຊີວິດຄົນທຳອິດ ເມື່ອວັນທີ 21 ກຸມພາຜ່ານມາວ່າ ມີຜູ້ເສຍຊີວິດເພີ່ມອີກ 683 ຄົນ ໃນຮອບ 24 ຊົ່ວໂມງ ຜ່ານມາ ເພີ່ມສະຖິຕິຜູ້ເສຍຊີວິດສະສົມຢ່າງໜ້ອຍ 7.503 ຄົນ.

ຂະນະດຽວກັນພົບຜູ້ປ່ວຍໃໝ່ 5.210 ຄົນ ເຮັດໃຫ້ຈຳນວນຜູ້ຕິດເຊື້ອສະສົມໃນປະເທດຢ່າງໜ້ອຍ 74.386 ຄົນ ສ່ວນປິ່ນປົວເຊົາແລ້ວ ຢ່າງໜ້ອຍ 9.362 ຄົນ ເຊິ່ງເປັນມື້ທີ 4 ຕິດຕໍ່ກັນແລ້ວ ທີ່ຈຳນວນຜູ້ປ່ວຍໃນປະເທດອິຕາລີເລີ່ມຊົງຕົວ ເຊິ່ງກ່ອນໜ້ານີ້ມີຜູ້ປ່ວຍໃໝ່ສູງເຖິງ 6.557 ຄົນ ເມື່ອວັນທີ 21 ມີນາຜ່ານມາ.

ในภาพอาจจะมี หนึ่งคนขึ้นไป และ ผู้คนกำลังนั่ง

ດ້ານອັດຕາການເສຍຊີວິດຈາກໂຄວິດ-19 ໃນອິຕາລີ ຫຼຸດລົງເຖິງ 10% ແລະ ອັດຕາການຕິດເຊື້ອ 7,5% ໂດຍສະຖານະການແຜ່ລະບາດ ໃນ 57 ຈາກ 107 ແຂວງ “ຜ່ານພົ້ນຈຸດວິກິດແລ້ວ” ແຕ່ໃນຫຼາຍພື້ນທີ່ຕ້ອງເຝົ້າລະວັງຢ່າງໃກຊິດ ເຊັ່ນ: ນະຄອນຫຼວງໂຣມ ແລະ ເມືອງໃກ້ຄຽງທີ່ມີຜູ້ເສຍຊີວິດປະຈຳວັນ ເພິ່ມຂຶ້ນຈາກ 63 ຄົນ ເປັນ 95 ຄົນ.

ในภาพอาจจะมี หนึ่งคนขึ้นไป

ຢ່າງໃດກໍຕາມ, ທ່ານ ດຣ. ຣານິເອຣີ ກົວຣາ ຜູ້ຊ່ວຍຜູ້ອໍານວຍການຂອງອົງການອະນາໄມໂລກ ກ່າວວ່າ: ສະຖານະການຂອງໂຄວິດ-19 ໃນປະເທດອິຕາລີ ກໍາລັງກ້າວເຂົ້າສູ່ທິດທາງທີ່ດີ ມາດຕະການຕ່າງໆທີ່ລັດຖະບານບັງຄັບໃຊ້ໃນປັດຈຸບັນ ເຖິງວ່າເລີ່ມດຳເນີນການດ້ວຍຄວາມຫຼ້າຊ້າໃນຫຼາຍດ້ານ ແຕ່ຢູ່ລະດັບທີ່ຍອມຮັບ ແລະ ເຂົ້າໃຈໄດ້ ໂດຍສະເພາະມາດຕະການປິດເມືອງທີ່ມີຄວາມເຂັ້ມງວດຫຼາຍຂຶ້ນ ແລະ ການຂະຫຍາຍຂອບເຂດໃນການກວດສຸຂະພາບປະຊາຊົນ.