ຫູເປີຍເປີດມົນທົນ ສາມາດເດີນທາງອອກນອກມົນທົນໄດ້ແລ້ວ ຍົກເວັນເມືອງອູຫັ້ນ

507

ສຳນັກຂ່າວຕ່າງປະເທດລາຍງານຈາກນະຄອນຫຼວງປັກກິ່ງ ປະເທດຈີນ ເມື່ອວັນພຸດ ທີ 25 ມີນາ ວ່າ: ຄະນະກຳມາທິການສາທາລະນະສຸກແຫ່ງຊາດຈີນ ໄດ້ລາຍງານສະພາບການຂອງເຊື້ອໄວຣັສໂຄໂຣນາສາຍພັນໃໝ່ ຫຼື ໂຄວິດ-19 ແຕ່ເດືອນທັນວາ ປີຜ່ານມາ ເຖິງວັນທີ 24 ມີນາ ວ່າພົບຜູ້ເສຍຊີວິດເພີ່ມອີກ 4 ຄົນ ໃນຮອບ 24 ຊົ່ວໂມງຜ່ານມາ. ເພີ່ມຈຳນວນຜູ້ເສຍຊີວິດສະສົມຢ່າງໜ້ອຍ 3.281 ຄົນ ຂະນະທີ່ກໍລະນີຜູ້ປ່ວຍໃໝ່ ເພີ່ມອີກ 47 ຄົນ ໃນຮອບ 24 ຊົ່ວໂມງຜ່ານມາ ໂດຍເປັນກໍລະນີຜູ້ປ່ວຍທີ່ເດີນທາງມາຈາກຕ່າງປະເທດທັງໝົດ ແຕ່ຫຼຸດລົງຈາກສະຖິຕິ 1 ມື້ກ່ອນໜ້ານີ້ທີ່ກວດພົບຜູ້ປ່ວຍ 78 ຄົນ.

ในภาพอาจจะมี 1 คน, กำลังยืน และ สถานที่กลางแจ้ง

ດ້ານຄະນະກຳມາທິການສາທາລະນະສຸກມົນທົນຫູເປີຍ ເຊິ່ງມີເມືອງອູຫັ້ນເປັນເມືອງເອກ ໄດ້ປະກາດຜ່ອນຜັນມາດຕະການຈຳກັດການເດີນທາງ ແຕ່ວັນທີ 25 ມີນານີ້ ໂດຍປະຊາຊົນທີ່ສະແດງລະຫັດຢືນຢັນດ້ານສາທາລະນະສຸກແມ່ນສາມາດເດີນທາງໄປມົນທົນອື່ນໄດ້. ຢ່າງໃດກໍຕາມ, ເມືອງອູຫັ້ນ ຍັງຕ້ອງຖືກບັງຄັບຢູ່ພາຍໃຕ້ມາດຕະການຈຳກັດການເດີນທາງຈົນເຖິງວັນທີ 8 ເມສານີ້ ແຕ່ທາງການໄດ້ຫຼຸດຜ່ອນຄວາມສ່ຽງຂອງໄວຣັສໂຄວິດ-19 ໃນພື້ນທີ່ຈາກລະດັບ “ສູງ” ລົງມາເປັນລະດັບ “ປານກາງ”.