ອິນເດຍ ຢຸດໃຫ້ບໍລິການລົດໄຟ – ຖ້ຽວບິນພາຍໃນປະເທດ ຈົນໝົດເດືອນນີ້

657

ສຳນັກຂ່າວຕ່າງປະເທດລາຍງານຈາກນະຄອນຫຼວງນິວເດລີ ປະເທດອິນເດຍ ເມື່ອວັນອັງຄານ ທີ 24 ມີນາ ວ່າ ການລົດໄຟຂອງອິນເດຍໄດ້ປະກາດຢຸດໃຫ້ບໍລິການຈົນເຖິງວັນທີ 31 ມີນາ ຍົກເວັ້ນບໍລິການຂົນສົ່ງສິນຄ້າ ເພື່ອຄວບຄຸມການແຜ່ລະບາດຂອງເຊື້ອໄວຣັສໂຄໂຣນາສາຍພັນໃໝ່ ຫຼື ໂຄວິດ-19 ສ່ວນສາຍການບິນທຸກແຫ່ງຂອງອິນເດຍ ແມ່ນຢຸດບໍລິການຖ້ຽວບິນພາຍໃນປະເທດ ຕັ້ງແຕ່ວັນທີ 25 ມີນາ ຈົນໝົດເດືອນມີນາ ນີ້ “ເປັນຢ່າງໜ້ອຍ” ເພື່ອປະຕິບັດຕາມມາດຕະການຂອງລັດຖະບານ ເຊິ່ງຕ້ອງການຫຼຸດການເຕົ້າໂຮມປະຊາຊົນຈຳນວນຫຼາຍ ໂດຍອິນເດຍ ມີປະຊາກອນຫຼາຍເຖິງ 1.300 ລ້ານຄົນ.

ในภาพอาจจะมี 1 คน, กำลังยืน

ຂະນະທີ່ ນາຍົກລັດຖະມົນຕີນະເຣນທຣາ ໂມດີ ກ່າວເມື່ອວັນຈັນ ຜ່ານມາ ຫຼັງຈາກທົດລອງການປິດເມືອງທົ່ວປະເທດເປັນໄລຍະ 14 ຊົ່ວໂມງ ເມື່ອວັນອາທິດ ວ່າ ຍັງມີປະຊາຊົນອິນເດຍ “ຈຳນວນຫຼາຍ” ບໍ່ໃຫ້ຄວາມສຳຄັນກັບເລື່ອງນີ້ ທັງທີ່ກ່ຽວຂ້ອງກັບຄວາມເປັນຢູ່ຂອງຊີວິດ ເຊິ່ງຜູ້ນຳອິນເດຍ ກ່າວວ່າ ລັດຖະບານກາງຈະຍັງບໍ່ນຳໃຊ້ “ນະໂຍບາຍແບບເຂັ້ມງວດເດັດຂາດ” ແຕ່ຮຽກຮ້ອງໃຫ້ປະຊາຊົນໃຫ້ຄວາມຮ່ວມມື ປະຕິບັດຕາມມາດຕະການຂອງເຈົ້າໜ້າທີ່ຢ່າງເຂັ້ມງວດ ເພື່ອຄອບຄົວ ແລະ ສັງຄົມ.

ในภาพอาจจะมี 1 คน, กำลังนั่ง และ เด็ก

ທັງນີ້ ເມືອງໃຫຍ່ຫຼາຍແຫ່ງຂອງອິນເດຍ ລວມທັງນະຄອນຫຼວງນິວເດລີ, ເມືອງມູມໄບ ແລະ ເມືອງບັງກາລໍ ໄດ້ປະກາດມາດຕະການ “ປິດເມືອງ” ຕັ້ງແຕ່ວັນຈັນ ຜ່ານມາ ຈົນໝົດເດືອນນີ້. ຢ່າງໃດກໍ່ຕາມ, ທາງການລັດມະຫາຣາດ ທີ່ຕັ້ງຢູ່ແຄມຝັ່ງ ທາງພາກຕາເວັນຕົກຂອງປະເທດ ເຊິ່ງເປັນລັດທີ່ມີຜູ້ປ່ວຍສະສົມຫຼາຍທີ່ສຸດ ປະກາດບັງຄັບໃຊ້ມາດຕະການປິດເມືອງ ຕັ້ງແຕ່ວັນອັງຄານ ວັນທີ 24 ມີນາ ແລະ ສັ່ງຫ້າມບໍ່ໃຫ້ພົນລະເມືອງອອກຈາກບ້ານເຮືອນ ເນື່ອງຈາກ “ມີປະຊາຊົນຈຳນວນຫຼາຍ” ບໍ່ປະຕິບັດຕາມມາດຕະການຂອງລັດຖະບານ.

ในภาพอาจจะมี 1 คน, กำลังยืน และ สถานที่กลางแจ้ง

ປັດຈຸບັນ ອິນເດຍ ມີຜູ້ປ່ວຍສະສົມ ຢ່າງໜ້ອຍ 468 ຄົນ ປິ່ນປົວເຊົາແລ້ວ 34 ຄົນ ແລະ ເສຍຊີວິດ 9 ຄົນ ນັບຕັ້ງແຕ່ມີການຢືນຢັນ ຜູ້ຕິດເຊື້ອຄົນທຳອິດ ເມື່ອວັນທີ 30 ມັງກອນ ແລະ ຜູ້ເສຍຊີວິດຄົນທຳອິດ ເມື່ອວັນທີ 13 ມີນາ ຜ່ານມາ.