ມຽນ​ມາຢືນຢັ້ນ​ພົບ​ຜູ້​ຕິດ​ເຊື້ອ​ໄວ​ຣັ​ສ​ໂຄວິດ-19 ສອງ​ຄົນທຳ​ອິດ​ຂອງ​ປະ​ເທດ ທີ່​ວັນ​ທີ 23 ມີ​ນາ​ຜ່ານ​ມາ

516

​ມຽນ​ມາ ອອກຖະແຫຼ່ງການກວດພົບຜູ້ຕິດເຊື້ອໄວ​ຣັ​ສໂຄວິດ-19 ສອງຄົນທໍາອິດຂອງປະເທດ ໃນວັນທີ 23 ມີນາ 2020 ທີ່ຜ່ານມາ. ໃນ​ຂະ​ນະ​ທີ່​ບັນ​ດາ​ປະ​ເທດ​ອາ​ຊຽນ​ທີ່​ຍັງ​ບໍ່​ພົບ​ຜູ້​ຕິດ​ເຊື້​ອ​ຍັງ​ມີ ສ​ປ​ປ ລາວ ເທົ່າ​ນັ້ນ

​ປະ​ເທດມຽນມາ ເປັ​ນ​ປະ​ເທດທີ່ມີປະຊາກອນ 54 ລ້ານຄົນ. ໃນໄລຍະຜ່ານມາໄດ້ມີ​ການກວດເຊື້ອໄວ​ຣັ​ສ​ໂຄວິດ-19 ຈາກຜູ້ສົງໃສຕິດເຊື້ອໂຄວິດ 19 ທັງໝົດຈໍານວນ 214 ຄົນ ແຕ່ຜົນອອກມາເປັນລົບ ບໍ່​ມີ​ຜູ​້​ຕິດ​ເຊື້ອ. ແຕ່ໃນ ວັນທີ 23 ມີນາ 2020 ນີ້ ລັດຖະບານໄດ້ຢັ້ງຢືນວ່າ ຊາຍມຽນມາ ອາຍຸ 36 ປີ ທີ່ເດີນທາງກັບມາຈາກປະເທດ ສະ​ຫະ​ລັດອາເມລິກາ ແລະ ອີກຊາຍຄົນໜຶ່ງ ອາຍຸ 26 ປີ ເດີນທາງມາຈາກ ປະເທດອັງກິດ, ທັງສອງໄດ້ຮັບການກວດເຊື້ອໂຄວິດ-19 ແລະ ຜົນອອກມາເປັນບວກ ຕິດ​ເຊື້ອ.

ຈາກຜົນການກວດດັ່ງກ່າວ ເຮັດໃຫ້ຊາດອາຊຽນທີ່ຕິດເຊື້ອ ໂຄວິດ-19 ເພີ່ມຂຶ້ນເປັນ 9 ປະເທດ ແລະ ສປປ ລາວ ເປັນປະເທດດຽວ ໃນອາຊຽນ ທີ່ຍັງມີລາຍງານ ຜູ້ຕິດເຊື້ອໂຄວິດ19 ເປັນ 0.

Channel news Asia