ຂອບໃຈ! ແຈັກມາ ປະກາດຊື້ອຸປະກອນການແພດຕ້ານໂຄວິດແກ່ຫຼາຍປະເທດໃນອາຊີ ລວມທັງປະເທດລາວ

974

ໃນສະພາບທີ່ທົ່ວໂລກພວມພົບວິກິດໜັກ ກໍ່ຄືການລະບາດຂອງໂຄວິດ-19 ທີ່ແຜ່ລາມເປັນວົງກ້ວາງຢູ່ຫຼາຍປະເທດເຮັດໃຫ້ທົ່ວໂລກຕ້ອງໄດ້ມີມາດຕະການອັນເຂັ້ມງວດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດດັ່ງກ່າວ ແນວໃດກໍ່ຕາມໃນຍາມວິກິດແບບນີ້ກໍ່ຍັງມີເລື່ອງລາວດີໆເກີດຂຶ້ນຢ່າງຫຼວງຫຼາຍເປັນຕົ້ນແມ່ນການຊ່ວຍເຫຼືອຕ່າງໆຈາກຫຼາຍພາກສ່ວນ, ຫຼ້າສຸດ ແຈັກມາ ມະຫາເສດຖີຊາວຈີນ ກໍ່ປະກາດຈະຈົກເງິນສ່ວນຕົວຊື້ອຸປະກອນການແພດຕ້ານໂຄວິດ-19 ແກ່ຫຼາຍປະເທດໃນອາຊຽນ ລວມທັງລາວເຮົາອີກດ້ວຍ.

ວັນທີ 23 ມີນາ 2020 ທ່ານ ແຈ໋ກມາ ມາຫະເສດຖີຊາວຈີນ ອັນດັບແຖວຫນ້າຂອງໂລກ ປະທານບໍລິສັດອາລີບາບາ ແລະ ເຈົ້າຂອງສື່ South China Morning Post ປະກາດວ່າຈະຈົກເງິນຕົນເອງຫລາຍລ້ານໂດລາເພື່ອຊື້ອຸປະກອນການແພດ ແລະ ເຄື່ອງປ້ອງກັນ-ຕ້ານເຊື້ອພະຍາດອັກເສບປອດໂຄວິດ-19 ໃຫ້ປະເທດກໍາລັງພັດທະນາ ແລະ ປະເທດດ້ອຍພັດທະນາ ເຊິ່ງ ສປປ ລາວແມ່ນປະເທດຫນຶ່ງຈະໄດ້ຮັບການຊ່ວຍເຫລືອເຊັ່ນກັນ.

ອີງຕາມແຫລ່ງຂ່າວຂອງ ສື່ South China Morning Post ໄດ້ເປີດເຜີຍວ່າມູນນິທິການຊ່ວຍເຫລືອສັງຄົມຂອງ ທ່ານ ແຈ໋ກມາຈະຊ່ວຍເຫລືອ ແລະ ແຈກຢາຍໃຫ້ປະເທດຕ່າງໆທົ່ວໂລກປະກອບມີຄື ກຸ່ມປະເທດລາຕິນອາເມລິກາ: ແຈກຢາຍຜ້າອັດປາກອະນາໄມ 2 ລ້ານອັນ, ເຄື່ອງກວດເຊື້ອດ່ວນ 400.000 ອັນ ແລະ ເຄື່ອງລະບາຍອາກາດ 104 ເຄື່ອງໃຫ້ກຸ່ມປະເທດລາຕິນອາເມລິກາ( ອາເຈນຕີນາ, ເປຣູ, ບຣາຊີວ, ຈີລີ, ຄີວບາ, ເອກົວດໍ ແລະ ອື່ນໆ).

ກຸ່ມປະເທດພວມພັດທະນາໃນອາຊີ ລວມທັງສະມາຊິກອາຊຽນ: ແຈກຢາຍຜ້າອັດປາກອະນາໄມ 1.8 ລ້ານອັນ, ເຄື່ອງກວດເຊື້ອດ່ວນ 210.000 ອັນ, ຊຸດປ້ອງກັນເຊື້ອໂລກ 36.000 ຊຸດ ແລະ ອື່ນໆໃຫ້ບັນດາປະເທດດັ່ງນີ້( ສປປ ລາວ, ກໍາປູເຈຍ, ມຽນມາ, ມົງໂກເລຍ, ສີລັງກາ, ບັງກາລະເດດສ, ອາການີສະຖານ, ປາກີສະຖານ, ເນປານ ແລະ ເມົາດິບ).

ທີ່ມາ: ປະເທດລາວ; ແປຂ່າວໂດຍ: ເກີດຂວັນໃຈ ມາລີຈັນສີ; ແຫລ່ງຂ່າວ: South China Morning Post