ທົ່ວໂລກ ພົບຜູ້ເສຍຊີວິດຈາກໂຄວິດ-19 ທະລຸ 10.000 ຄົນ

500

ສຳນັກຂ່າວ CNN ລາຍງານວັນີ້ ຕົວເລກຜູ້ເສຍຊີວິດຈາກພະຍາດອັກເສບປອດ ທີ່ເກີດຈາກເຊື້ອຈຸລະໂຣກສາຍພັນໃໝ່ ໂຄວິດ-19 ໃນທົ່ວໂລກມີຫຼາຍກວ່າ 10.000 ຄົນແລ້ວ ຈາກຖານຂໍ້ມູນຂອງ Johns Hopkins University ເຊິ່ງໄດ້ລວບລວມຂໍ້ມູນຂອງຜູ້ຕິດເຊື້ອ ແລະ ຜູ້ເສຍຊີວິດຈາກຂໍ້ມູນຂອງ  WHO ແລະ ແຫຼ່ງອື່ນໆ.


ສຳລັບປະເທດ ທີ່ມີຜູ້ເສຍຊີວິດຫຼາຍທີ່ສຸດໃນຂະນະນີ້ ກໍ່ຄືປະເທດອີຕາລີ ເຊິ່ງມີຜູ້ເສຍຊີວິດແລ້ວຫຼາຍກວ່າ 3.400 ຄົນ ແລະ ຍັງຄົງເພີ່ມຂຶ້ນ, ໃນຂະນະທີ່ປະເທດຈີນ ຈຳນວນຂອງຜູ້ເສຍຊີວິດຄົງຕົງທີ່ປະມານ 3.200 ຄົນ.


ສ່ວນຕົວເລກຜູ້ຕິດເຊື້ອທົ່ວໂລກ ຂະນະນີ້ເພີ່ມຂຶ້ນເປັນ 240.000 ກວ່າຄົນ ໂດຍປະເທດທີ່ມີຜູ້ຕິດເຊື້ອຢືນຢັນຫຼາຍທີ່ສຸດ ຍັງຄົງເປັນປະເທດຈີນ ທີ່ປະມານ 81.000 ຄົນ ແລະ ໃນປະເທດອີຕາລີ ມີຈຳນວນຂອງຜູ້ຕິດເຊື້ອຫຼາຍທີ່ສຸດເປັນອັນດັບ 2 ຢູ່ທີ່ລະດັບ 41.000 ຄົນ ແລະ ຍັງຄົງເພີ່ມຂຶ້ນທຸກວັນ.

ທີ່ມາ, https://edition.cnn.com/