ໂຄວິດ-19ຄືສັດຕູຂອງມວນມະນຸດ

755

ຜູ້ອໍານວຍການອົງການອະນາໄມໂລກເຕືອນວ່າ:ໂຄວິດ-19ຄືສັດຕູຂອງມວນມະນຸດເນື່ອງຈາກຈໍານວນຜູ້ຕິດເຊື້ອທົ່ວໂລກກາຍ2ແສນຄົນແລ້ວ.

ທ່ານ ເທດຣອດ ແອດນາຮອມ ເກເບຣເຍຊຸດ ຜູ້ອໍານວຍການອົງການອະນາໄມໂລກກ່າວວ່າ:ໂຄວິດ-19ທີ່ໂລກກໍາລັງປະເຊີນຢູ່ໃນຂະນະນີ້ຖືເປັນໄພຄຸກຄາມທີ່ບໍ່ເຄີຍເກີດຂຶ້ນມາກ່ອນເຊັ່ນກັນ,ສະນັ້ນຈຶ່ງຕ້ອງຮ່ວມມືກັນເອົາຊະນະສັດຕູຮ່ວມກັນໃຫ້ໄດ້ເນື່ອງຈາກເປັນສັດຕູຂອງມວນມະນຸດ.ຂະນະທີ່ຕົວເລກຜູ້ຕິດເຊື້ອທົ່ວໂລກກວ່າ204.000ຄົນເມື່ອບໍ່ດົນມານີ້ ແລະ ເສຍຊີວິດກວ່າ8.700ຄົນ.

ການວິໄຈເພື່ອຫາວັກແຊັງຕ້ານໂຄວິດ-19ຖືເປັນເລື່ອງສໍາຄັນ,ແຕ່ກໍບໍ່ຄວນຮີບຮ້ອນ ແລະ ເຄົາລົບຕໍ່ລະບຽບປະຕິບັດຕາມມາດຕະຖານຄວາມປອດໄພເປັນສໍາຄັນ.

ຂະນະນີ້ສໍາຄັນຫຼາຍທີ່ຈະຕ້ອງເຮັດວຽກຮ່ວມກັນຢ່າງໜັກ ແລະ ໄວທີ່ສຸດເທົ່າທີ່ຈະເຮັດໄດ້ເພື່ອພັດທະນາຢາປິ່ນປົວ ແລະ ວັກແຊັງປ້ອງ.