ເສຍຊີວິດ ກວ່າ 8 ພັນຄົນ ຈາກ 166 ປະເທດ ຫຼັງການແຜ່ລະບາດຂອງໂຄໂຣນາສານພັນໃໝ່

605

ສຳນັກຂ່າວຕ່າງປະເທດລາຍງານຈາກເມືອງເຈນີວາ ປະເທດສະວິດເຊີແລນ ເມື່ອວັນພະຫັດ ທີ 19 ມີນາ ວ່າ ອົງການອະນາໄມໂລກ (WHO: World Health Organization) ລາຍງານສະຖານະການແຜ່ລະບາດຂອງເຊື້ອໄວຣັສໂຄໂຣນາສາຍພັນໃໝ່ ຫຼື ໂຄວິດ-19 ຕັ້ງແຕ່ເດືອນທັນວາ 2019 ເປັນຕົ້ນມາ ວ່າ ມາເຖິງວັນພະຫັດ ທີ 19 ມີນາ ພົບວ່າ ມີຜູ້ປ່ວຍຢ່າງໜ້ອຍ 166 ປະເທດ ແລະ ເຂດແຄວ້ນ ມີຜູ້ປ່ວຍສະສົມຫຼາຍກວ່າ 200.000 ຄົນ ແລະ ເສຍຊີວິດຫຼາຍກວ່າ 8.000 ຄົນ ໂດຍເກືອບທຸກປະເທດມີການຕິດເຊື້ອພາຍໃນຊຸມຊົນ ເຊິ່ງລວມເຖິງການຕິດເຊື້ອ ແບບກຸ່ມກ້ອນ.

ในภาพอาจจะมี หนึ่งคนขึ้นไป, ผู้คนกำลังนั่ง, ตาราง และ สถานที่ในร่ม

10 ອັນດັບ ປະເທດທີ່ມີຜູ້ປ່ວຍສະສົມຫຼາຍທີ່ສຸດ:

1 ປະເທດຈີນ ມີຜູ້ປ່ວຍສະສົມ 80.928 ຄົນ, ປິ່ນປົວເຊົາແລ້ວ 70.420 ຄົນ ແລະ ເສຍຊີວິດ 3.245 ຄົນ.

2 ປະເທດອິຕາລີ ມີຜູ້ປ່ວຍສະສົມ 35.713 ຄົນ, ປິ່ນປົວເຊົາແລ້ວ 4.025 ຄົນ ແລະ ເສຍຊີວິດ 2.978 ຄົນ.

3 ປະເທດອິຣານ ມີຜູ້ປ່ວຍສະສົມ 17.361 ຄົນ, ປິ່ນປົວເຊົາແລ້ວ 5.710 ຄົນ ແລະ ເສຍຊີວິດ 1.135 ຄົນ.

4 ປະເທດສະເປນ ມີຜູ້ປ່ວຍສະສົມ 14.769 ຄົນ, ປິ່ນປົວເຊົາແລ້ວ 1.081 ຄົນ ແລະ ເສຍຊີວິດ 638 ຄົນ.

5 ປະເທດເຢຍລະມັນ ມີຜູ້ປ່ວຍສະສົມ 12.327 ຄົນ, ປິ່ນປົວເຊົາແລ້ວ 105 ຄົນ ແລະ ເສຍຊີວິດ 28 ຄົນ.

ในภาพอาจจะมี 1 คน

6 ປະເທດອາເມຣິກາ ມີຜູ້ປ່ວຍສະສົມ 9.458 ຄົນ, ປິ່ນປົວເຊົາແລ້ວ 108 ຄົນ ແລະ ເສຍຊີວິດ 155 ຄົນ.

7 ປະເທດຝຣັ່ງ ມີຜູ້ປ່ວຍສະສົມ 9.134 ຄົນ, ປິ່ນປົວເຊົາແລ້ວ 602 ຄົນ ແລະ ເສຍຊີວິດ 264 ຄົນ.

8 ປະເທດເກົາຫຼີໃຕ້ ມີຜູ້ປ່ວຍສະສົມ 8.565 ຄົນ, ປິ່ນປົວເຊົາແລ້ວ 1.947 ຄົນ ແລະ ເສຍຊີວິດ 91 ຄົນ.

9 ປະເທດສະວິດເຊີແລນ ມີຜູ້ປ່ວຍສະສົມ 2.772 ຄົນ, ປິ່ນປົວເຊົາແລ້ວ 15 ຄົນ ແລະ ເສຍຊີວິດ 21 ຄົນ.

10 ປະເທດອັງກິດ ມີຜູ້ປ່ວຍສະສົມ 2.626 ຄົນ, ປິ່ນປົວເຊົາແລ້ວ 65 ຄົນ ແລະ ເສຍຊີວິດ 104 ຄົນ.

ในภาพอาจจะมี หนึ่งคนขึ้นไป, ผู้คนกำลังยืน และ สถานที่กลางแจ้ง

ດຣ. ເທຣອສ ແອດນາຮອມ ເກເບຣເຍຊຸສ ຜູ້ອໍານວຍການອົງການອະນາໄມໂລກ ກ່າວວ່າ ສະຖິຕິທີ່ດັ່ງກ່າວ ສະແດງໃຫ້ເຫັນວ່າ ເຊື້ອໄວຣັສໂຄວິດ-19 ເປັນສັດຕູທີ່ແທ້ຈິງຂອງມະນຸດ ໂດຍປັດຈຸບັນ ອົງການອະນາໄມໂລກ ມີຄວາມວິຕົກກັງວົນຕໍ່ສະຖານະການແຜ່ລະບາດໃນທະວີບອາຟຣິກາ ເຊິ່ງລະບົບສາທາລະນະສຸກໂດຍທົ່ວໄປແມ່ນຍັງຕໍ່າກວ່າມາດຕະຖານ ປະຊາຊົນສ່ວນໃຫຍ່ຂາດການຮັບຮູ້ກ່ຽວກັບແນວທາງ “ໄລຍະຫ່າງທາງສັງຄົມ” ເຊິ່ງເປັນຄວາມສ່ຽງໃຫ້ເກີດການຕິດເຊື້ອໃນກຸ່ມຄົນຈຳນວນຫຼາຍ.