ສົງຄາມຊີຣີພາຍໃຕ້ໄຊຊະນະທີ່ບໍ່ດັດຂາດ

556
TOPSHOT - A displaced Syrian woman holds a family portrait showing her (R) as a child at a camp in Albrdkulai village in the northern countryside of Syria's Idlib province on March 13, 2020. (Photo by AAREF WATAD / AFP)

ການສູ້ຮົບຢ່າງດຸເດືອດຈາກຄວາມຂັດແຍ່ງໃນຊີຣີທີ່ກ້າວເຂົ້າສູ່ປີທີ່10ເມື່ອບໍ່ດົນມານີ້ໂດຍໄຊຊະນະແຕ່ຍັງບໍ່ເດັດຂາດເປັນຂອງກອງທັບລັດຖະບານທີ່ໄດ້ຮັບການສະໜັບສະໜູນຈາກຣັດເຊຍ-ອີຣານຕະຫຼອດເວລາ9ປີເຮັດໃຫ້ມີຜູ້ເສຍຊີວິດກວ່າ3,8ແສນຄົນ ແລະ ໄດ້ຮັບບາດເຈັບນັບບໍ່ຖ້ວນຕະຫຼອດຮອດບ້ານເຮືອນຈໍານວນພັງວິນາດ.

ເມື່ອປານປະທ້ວງຕໍ່ຕ້ານລັດຖະບານຊີຣີຂະໜາດຍ່ອຍເລີ່ມຂຶ້ນຕາມຖະໜົນຫົນທາງໃນນະຄອນຫຼວງ ດາມັດກັດເມື່ອວັນທີ15ເດືອນ ມີນາປີ2011ໂດຍບໍ່ມີໃຜຄິດວ່າການປະທ້ວງດັ່ງກ່າວຈະລຸກລາມບານປາຍກາຍເປັນສົງຄາມເຕັມຮູບແບບ ແລະ ມີຄວາມຊັບຊ້ອນໂດຍມີຫຼາຍຝ່າຍເຂົ້າມາກ່ຽວຂ້ອງ.

ປະຊາຊົນຊີຣີກວ່າ12ລ້ານຄົນຫຼືກວ່າເຄິ່ງຂອງປະຊາກອນທັງໝົດ23ລ້ານຄົນກ່ອນເກີດສົງຄາມຫຼົບໜີໄພການສູ້ຮົບກາຍເປັນພັດພາກຈາກບ້ານເກີດເມືອງນອນ ແລະ ຫຼົບໜີອອກໄປຕ່າງປະເທດ,ອາໄສຢູ່ຕາມຄ້າຍຜູ້ລີ້ໄພໃນຫຼາຍປະເທດໃກ້ຄຽງ ແລະ ມີຈໍານວນບໍ່ໜ້ອຍທີ່ອົບພະຍົບສູ່ເອີຣົບກາຍເປັນວິກິດດ້ານມະນຸດສະທໍ່າຄັ້ງຮ້າຍແຮງທີ່ສຸດໃນສະຕະວັດທີ່21.

ກອງທັບຊີຣີດ້ວຍຄວາມຊ່ວຍເຫຼືອຈາກຣັດເຊຍ ແລະ ອີຣານສາມາດປາບປາມກຸ່ມໄອເອສ ແລະ ຍືດຄອງເນື້ອທີ່ຕ່າງໆທາງຕາເວັນອອກ ແລະ ຕາເວັນອອກສຽງເໜືອໄດ້ໝົດ,ແຕ່ຍັງເຫຼື້ອເນື້ອທີ່ແຂວງ ອິດລິບ ແລະ ບາງສ່ວນຂອງແຂວງ ອາເລບໂປທີ່ຢູ່ໃກ້ກັນທາງຕາເວັນຕົກສຽງເໜືອທີ່ຍັງຢູ່ໃນການຍຶດຄອງຂອງຝ່າຍຕໍ່ຕ້ານ.