ການາດາ ປິດປະເທດຊົ່ວຄາວ ແຕ່ອະນຸຍາດໃຫ້ຄົນອາເມຣິກາເທົ່ານັ້ນເຂົ້າປະເທດໄດ້

477

ສຳນັກຂ່າວຕ່າງປະເທດລາຍງານຈາກນະຄອນຫຼວງອັອດຕາວາ ປະເທດການາດາ ເມື່ອວັນຈັນ ທີ 16 ມີນາ ຜ່ານມາ ວ່ານາຍົກລັດຖະມົນຕີຈັສຕິນ ທຣູໂດ ໄດ້ຖະແຫຼງຢູ່ເຮືອນພັກສ່ວນຕົວ ໃນນະຄອນຫຼວງອັອດຕາວາ ເມື່ອວັນຈັນ ເນື່ອງຈາກກຳລັງກັກຕົວເປັນໄລຍະ 14 ວັນ ນັບຕັ້ງແຕ່ວັນທີ 12 ມີນາ ຜ່ານມາ ເນື່ອງຈາກພັນລະຍາ ທ່ານນາງໂຊຟີ ກຣີກົວ ທຣູໂດ ຕິດເຊື້ອໄວຣັສໂຄວິດ-19 ວ່າ ຊາວການາດາ ແລະ ຜູ້ທີ່ມີໃບອະນຸຍາດອາໄສຖາວອນ ທີ່ເດີນທາງກັບເຂົ້າປະເທດໃນໄລຍະນີ້ ຕ້ອງກັກຕົວເອງເປັນໄລຍະ 2 ອາທິດ.

ในภาพอาจจะมี รถยนต์ และ สถานที่กลางแจ้ง

ຂະນະທີ່ ປະຊາຊົນທົ່ວໄປ “ໃຫ້ຢູ່ໃນເຮືອນໃຫ້ຫຼາຍທີ່ສຸດ” ນອກຈາກນີ້, ທ່ານທຣູໂດ ໄດ້ປະກາດປິດຊາຍແດນ ທັງທາງບົກ, ທະເລ ແລະ ທາງອາກາດ “ຊົ່ວຄາວ” ຈາກພົນລະເມືອງຕ່າງປະເທດ ແຕ່ຍົກເວັ້ນທູດ, ເຈົ້າໜ້າທີ່ອົງການສາກົນ, ຜູ້ທີ່ມີໃບອະນຸຍາດຢູ່ອາໄສຖາວອນ, ລູກເຮືອສາຍການບິນ ແລະ ຊາວອາເມລິກັນ ໂດຍໃນສ່ວນຂອງຊາວອາເມຣິກັນນັ້ນ ທ່ານທຣູໂດ ໄດ້ໃຫ້ເຫດຜົນກ່ຽວກັບ “ການຮ່ວມມືດ້ານເສດຖະກິດທີ່ມີມູນຄ່າມະຫາສານ” ລະຫວ່າງສອງປະເທດ.

ในภาพอาจจะมี หนึ่งคนขึ้นไป และ รองเท้า

ຢ່າງໃດກໍ່ຕາມ, ທ່ານທ່ານທຣູໂດ ກ່າວວ່າ ມີທ່າອ່ຽງສູງທີ່ນັກທ່ອງທ່ຽວຈາກສະຫະລັດຈະຂ້າມຊາຍແດນຫຼຸດລົງ ເນື່ອງຈາກມາດຕະການຄວບຄຸມພະຍາດຢ່າງເຂັ້ມງວດຂອງລັດຖະບານວໍຊິງຕັນດ້ວຍ ແລະ ຕ້ອງກັກຕົວ 2 ອາທິດ ຖ້າເດີນທາງເຂົ້າປະເທດການາດາ.

ในภาพอาจจะมี หนึ่งคนขึ้นไป, รองเท้า และ สถานที่กลางแจ้ง

ທັງນີ້, ກ່ຽວກັບການຄັດເລືອກຄົນທີ່ເດີນທາງດ້ວຍຖ້ຽວບິນໂດຍສານ ສຳນັກງານການບິນພົນລະເຮືອນ ແລະ ກະຊວງ ສາທາລະນະສຸກຂອງການາດາ ໄດ້ປັບປ່ຽນໃຫ້ທຸກສາຍການບິນລົງຈອດທີ່ສະໜາມບິນ 1 ໃນ 4 ສະໜາມບິນຄື: ສະໜາມບິນໂຕຣອນໂຕ, ສະໜາມບິນມອນທຣິອອລ, ສະໜາມບິນແວນຄູເວີ ແລະ ສະໜາມບິນຄາລກາຣີ ເຊິ່ງເປັນຈຸດຜ່ານແດນຄວບຄຸມພະຍາດຂະໜາດໃຫຍ່.

ປັດຈຸບັນ, ການາດາ ມີຜູ້ປ່ວຍສະສົມເຊື້ອໂຄວິດ-19 ໃນປະເທດຢ່າງນ້ອຍ 441 ຄົນ ນັບຕັ້ງແຕ່ມີການຢືນຢັນຜູ້ຕິດເຊື້ອຄົນທຳອິດ ເມື່ອວັນທີ 25 ມັງກອນ ຜ່ານມາ, ປິ່ນປົວເຊົາແລ້ວ 11 ຄົນ ແລະ ເສຍຊີວິດຢ່າງໜ້ອຍ 4 ຄົນ.