ຈີນຄາດກໍາຈັດໂຄວິດ-19ໄດ້ໃນເດືອນມິຖຸນາຈະເຖິງນີ້

560

ທາງການຈີນປະກາດວ່າຈຸດສູງສຸດຂອງການລະບາດຂອງໂຄວິດ-19ໃນປະເທດໄດ້ຈົບລົງແລ້ວ,ພ້ອມທັງລະບຸວ່າການລະບາດຂອງພະຍາດອາດຈະສິ້ນສຸດລົງໃນເດືອນ ມິຖຸນາຈະເຖິງນີ້.

 

 

ໂຄສົກລັດຖະບານຈີນກ່າວວ່າ:ຈໍານວນຜູ້ຕິດພະຍາດໂຄວິດ-19ລາຍໃໝ່ໄດ້ຫຼຸດລົງຢ່າງຕໍ່ເນື່ອງ ແລະ ສະຖານະການການລະບາດໃນພາບລວມຄົງຕົວຢູ່ໃນລະດັບຕໍ່າ.

ໃນນີ້ຈໍານວນຜູ້ຕິດພະຍາດລາຍໃໝ່ໃນ ອູ່ຮັ້ນ ເມືອງເອກຂອງແຂວງ ຫູເປີຍທາງພາກກາງ ແລະ ສູນກາງການລະບາດໄດ້ປັບຫຼຸດລົງສູ່ລະດັບຕົວເລກຫຼັກດຽວໂດຍມີລາຍງານຜູ້ຕິດພະຍາດລາຍໃໝ່ພຽງ8ຄົນເມື່ອກາງອາທິດທີ່ຜ່ານມາ.

ຂະນະດຽວກັນບໍ່ມີລາຍງານຜູ້ຕິດພະຍາດລາຍໃໝ່ໃນເມືອງຕ່າງໆຂອງຫູເປີຍຕິດຕໍ່ກັນຄົບອາທິດແລ້ວໂດຍພາບລວມໃນປະເທດຈີນຍົກເວັ້ນຫູເປີຍກວດພົບຜູ້ຕິດພະຍາດລາຍໃໝ່ພຽງ7ຄົນໂດຍ6ຄົນເປັນບຸກຄົນທີ່ມາຈາກນອກປະເທດ.