ປະເທດຄູເວດ ສັ່ງປິດປະເທດ ສ່ວນພະນັກລັດໄດ້ພັກວຽກ ສອງອາທິດ

641

ສຳນັກຂ່າວຕ່າງປະເທດລາຍງານຈາກນະຄອນຫຼວງຄູເວດ ຊິຕີ້ ປະເທດຄູເວດ ເມື່ອວັນພະຫັດ ທີ 12 ມີນາ ໂດຍອ້າງອີງລາຍງານຈາກສຳນັກຂ່າວສານແຫ່ງຊາດຂອງຄູເວດ ກ່ຽວກັບການໂຈະຖ້ຽວບິນ ທັງຂາອອກ ແລະ ຂາເຂົ້າ ຈາກສະໜາມບິນສາກົນຄູເວດ “ແບບບໍ່ມີກຳນົດ” ຕັ້ງແຕ່ທ່ຽງຄືນຂອງວັນພະຫັດ ຫຼື ເຂົ້າສູ່ວັນສຸກ ທີ 13 ມີນາ ຕາມເວລາທ້ອງຖິ່ນ ແຕ່ຍົກເວັ້ນຍົນຄາໂກ ແລະ ຖ້ຽວບິນເຊົ່າເໝົາລຳພິເສດ ເຊິ່ງອົບພະຍົບພົນລະເມືອງຄູເວດກັບມາຈາກຕ່າງປະເທດ.

ຂະນະທີ່ ພະນັກງານລັດຖະບານໃນປະເທດໃຫ້ພັກວຽກ ໄລຍະ 2 ອາທິດ ລະຫວ່າງ ວັນພະຫັດ ທີ 12 ມີນາ ເຖິງວັນທີ 26 ມີນາ ສະມາຄົມທະນາຄານແຫ່ງຊາດໄດ້ປະກາດປິດສະຖາບັນການເງິນໃນໄລຍະດຽວກັນ ດ້ານການຮວມກຸ່ມ ຫຼື ຊຸມນຸມທຸກຮູບແບບບໍ່ວ່າຈະມີຜູ້ເຂົ້າຮ່ວມຫຼາຍ ຫຼື ໜ້ອຍ ແມ່ນຈະບໍ່ໄດ້ຮັບອະນຸຍາດເດັດຂາດ ເຖິງວ່າພົນລະເມືອງຄູເວດທີ່ບໍ່ໄດ້ເດີນທາງມາກັບຖ້ຽວບິນຜູ້ອົບພະຍົບຂອງລັດຖະບານຍັງເດີນທາງກັບເຂົ້າປະເທດ “ໄດ້ຕາມປົກກະຕິ” ແຕ່ຍັງບໍ່ມີໜ່ວຍງານໃດໃຫ້ລາຍລະອຽດ ວ່າ ພົນລະເມືອງເຫຼົ່ານີ້ ຈະກັບເຂົ້າມາໄດ້ແນວໃດ.

ປັດຈຸບັນ ຄູເວດ ມີຜູ້ປ່ວຍສະສົມຈາກເຊື້ອໄວຣັສໂຄວິດ-19″ ໃນປະເທດຢ່າງໜ້ອຍ 72 ຄົນ ແລະ ປິ່ນປົວເຊົາແລ້ວ 2 ຄົນ ສ່ວນປະເທດທີ່ຕັ້ງຢູ່ຂດຕາເວັນອອກກາງ ເຊິ່ງປັດຈຸບັນ ກຳລັງຜະເຊີນກັບຄວາມຮ້າຍແຮງຂອງພະຍາດດັ່ງກ່າວ ໄດ້ແກ່ ອີຣ່ານ, ກາຕາ, ບາເຣນ, ອີຣັກ, ເລບານອນ, ຊາອຸດີ ອາຣາເບຍ, ໂອມານ ແລະ ປາແລດສະຕິນ.