ໄທ ກວດພົບຜູ້ຕິດເຊື້ອ COVID-19 ເພີ່ມ 3 ຄົນ ມີປະຫວັດໄປອີຕາລີມາ

545

ສະຖານະການ COVID-19 ລະບາດທີ່ປະເທດໄທ ເຊິ່ງເປັນປະເທດໃກ້ຄຽງ ສປປ ລາວ ເຮົາ​ຫຼາຍທີ່ສຸດ ເພາະ​ວ່າຄົນລາວເຮົາ ນິຍົມໄປທ່ຽວ ຫຼື ໄປຊື້ສິນຄ້າປະເທດໄທເປັນປະຈຳ ຂໍ​ໃຫ້​ມີ​ຄວາມ​ລະ​ມັດ​ວະ​ວັງ, ປ້ອງ​ກັນ​ຕົນ​ເອງ ເພື່ອ​ຕົນ​ເອງ ແລະ ຄົນ​ອ້ອມ​ຂ້າງ

ພາ​ບ​ປະ​ກອບ

ໃນວັນທີ 10 ມີນາ 2020 ລາຍງານຈາກກະຊວງສາທາລະນະສຸກໄທວ່າ: ມີການກວດພົບຜູ້ຕິດເຊື້ອ COVID-19 ເພີ່ມຂຶ້ນ 3 ຄົນ ໂດຍມີປະວັດເດີນທາງ ຫຼື ກ່ຽວຂ້ອງກັບຜູ້ທີ່ເດີນທາງໄປປະເທດອີຕາລີ ທັງໝົດ ເປັນຜູ້ຍິງຊາວໄທ ອາຍຸ 41 ປີ ບໍ່ມີປະວັດເດີນທາງໄປຕ່າງປະເທດ ແຕ່ເປັນຜູ້ໃກ້ຊິດກັບຜູ້ທີ່ໄປເບິ່ງງານທີ່ອີຕາລີ ແລະ ໄດ້ຮັບການກວດພົບວ່າຕິດເຊື້ອ COVID-19 ກ່ອນຫນ້ານີ້ (ຜູ້ຕິດເຊື້ອຄົນທີ 45) ມີອາການບໍ່ສະບາຍຕັ້ງແຕ່ 7 ມີນາ 2020 ແລະ ຂະນະນີ້ໄດ້ເຂົ້າກວດ-ຮັກສາທີ່ໂຮງໝໍຣາດວິຖີ

ອີກ 2 ຄົນ ເປັນຄູ່ຜົວ-ເມຍ ຊາວໄທ ເດີນທາງກັບຈາກອີຕາລີ ໄດ້ໄປກວດທີ່ໂຮງໝໍ ແລະ ພົບວ່າຕິດເຊື້ອ COVID-19 ທັງ 2 ຄົນ. ເຊິ່ງສະຫຼຸບປະເທດໄທ ມີຍອດຜູ້ຕິດເຊື້ອສະສົມຢູ່ທີ 53 ຄົນ ປົ່ວດີກັບບ້ານໄດ້ແລ້ວ 33 ຄົນ ແລະ ຍັງປິ່ນປົ່ວຢູ່ທີ່ໂຮງໝໍ 19 ຄົນ ແລະ ເສຍຊີວິດ 1 ຄົນ