ອີຕາລີ ມີຜູ້ຕິດເຊື້ອ COVID-19 ຫຼາຍເປັນອັນດັບ 1 ຮອງຈາກ ຈີນ ແລະ ສ.ເກົາຫລີ ອັນດັບ 2

539

ມາຮອດວັນທີ 10 ມີນາ 2020 ສະນະການລະບາດຂອງໄວຣັສ COVID-19 ປະເທດອີຕາລີ ຂຶ້ນເປັນອັນດັບ 1 ນອກຈາກ ສປ ຈີນ ທີ່ມີຜູ້ຕິດເຊື້ອຫຼາຍສຸດ 9 ພ​ັນ​ກວ່າ​ຄົນ

ອີ​ຕາ​ລີ ກວດ​ເຂັ້ມ​ການ​ເດີນ​ທາງ-ເຂົ້າ​ອອກ​ປະ​ເທດ

ປະເທດອີຕາລີ ມີຜູ້ຕິດເຊື້ອ 9.220 ຄົນ ປົ່ວດີ 724 ຄົນ ເສຍຊີວິດ 463 ຄົນ ອີຕາລີ ກຽມປິດເມືອງທົ່ວປະເທດ ເພື່ອຄວບຄຸມການລະບາດ ຫລັງຈາກທີ່ກ່ອນຫນ້ານີ້ປິດສະເພາະແຄວ້ນທາງເຫນືອ ໂດຍປະຊາຊົນຈະໄດ້ຮັບອະນຸຍາດສະເພາະເດີນທາງໄປເຮັດງານ ຫຼື ມີເຫດສຸກເສີນເທົ່ານັ້ນ ຊຶ່ງບໍ່ນຸຍາດໃຫ້ມີການຊຸມນຸມໃນທີ່ສາທາລະນະ, ທ່ອງທ່ຽວຍາມຄ່ຳຄືນ ລວມທັງການແຂ່ງຂັນກີລາເຊັ່ນ: ບານເຕະ ໂດຍມີຜົນເຖິງ 3 ເມສາ 2020 ນີ້ ໂຮງຮຽນ ມະຫາວິທະຍາໄລກໍ່ປິດຊົ່ວຄາວຈົນເຖິງເດືອນຫນ້າເຊັ່ນກັນ
ໃນວັນທີ 7 ມີມາທີ່ຜ່ານມາ ມີການຢືນຢັນວ່າ ທ່ານ Nicola Zingaretti ຫົວຫນ້າພັກຮ່ວມລັດຖະບານອີຕາລີ ຕິດເຊື້ອໄວຣັສ COVID-19

ໄຮ​ເຊິງ​ຜູ້​ຄົນ​ເຫດ​ການ​ລະ​ບາດ COVID-19

ສຳລັບສາເຫດທີ່ລະບາດໃນອີຕາລີ ສະຫຼຸບໄດ້ຄື ເລີ່ມທຳອິດທີ່ມີການພົບຜູ້ຕິດເຊື້ອໃນອີຕາລີ ມາຈາກນັກທ່ອງທ່ຽວຈີນທີ່ເດີນທາງໄປທ່ຽວທີ່ອີຕາລີ ແຕ່ສາເຫດທີ່ອີຕາລີມີຍອດຜູ້ຕິດເຊື້ອສູງຂຶ້ນ ໂດຍສະເພາະທາງພາກເຫນືອຂອງປະເທດ ທີ່ Lombardy ຄາດວ່າ ມາຈາກຊາຍອີຕາລີ ອາຍຸ 38 ປີ ໄດ້ພົບປະກັບເພື່ອນທີ່ຫາກໍ່ໄປຈີນມາ ໃນວັນທີ 20 ມັງກອນ 2020 ແຕ່ລາວເລີ່ມມີອາການປ່ວຍໃນວັນທີ 14 ກັນຍາ ຊຶ່ງຕອນທຳອິດໝໍວິນິໄສວ່າ ລາວເປັນໄຂ້ຫວັດໃຫຍ່ ແຕ່ຫລັງຈາກນັ້ນລາວອາການຫນັກຂຶ້ນ ແລະ ກໍ່ໄດ້ຮັບການວິນິໄສວ່າຕິດເຊື້ອ ລວມທັງເມຍຂອງລາວທີ່ກຳລັງຖືພາ. ນັບຕັ້ງແຕ່ນັ້ນມາເລີ່ມມີຄົນງານຈຳນວນຜູ້ຕິດເຊື້ອເພີ່ມຫຼາຍຂຶ້ນໃນ Lombardy ລວມທັງທ່ານໝໍ ແລະ ພະຍາບານ ໃນໂຮງໝໍ ທີ່ຊາຍຜູ້ນີ້ຮັກສາຕົວ ຈຸດສຳຄັນຄືຂະນະທີ່ລາວບໍ່ມີອາການປ່ວຍໃດໆ ລາວໃຊ້ຊີວິດຕາມປົກກະຕິ ເປັນເວລາກວ່າ 1 ອາທິດ ກ່ອນທີ່ຈະຖືກວິນິໄສວ່າຕິດເຊື້ອ ແຕ່ທາງການແພດເຊື່ອວ່າ ເຊື້ອສາມາດແຜ່ຈາກລາວໄປຍັງຄົນອື່ນໄດ້ ແມ່ນຈະບໍ່ມີອາການສະແດງອອກມາ ແລະ ນີ້ອາດຈະເປັນທີ່ມາຂອງການລະບາດໃຫຍ່ໃນອີຕາລີ ແລະ ນອກຈາກ Lombardy ອີກທີ່ຫນຶ່ງທີ່ລະບາດຫນັກຄື: Veneto ໂດຍຜູ້ປ່ວຍຄົນທຳອິດຂອງນັ້ນມີປະວັດເດີນທາງໄປຍັງ Codogno ແຄວ້ນ Lombardy ເມືອງດຽວກັບຊາຍຄົນທີ່ຕິດເຊື້ອ

ຕັ້ງ​ດ່ານ​ກວດ​ກາ​ການ​ເດີນ​ທາງ

ສ.ເກົາຫລີ ຕິດເຊື້ອ 7.515 ຄົນ ປົ່ວດີ 247 ຄົນ ເສຍຊີວິດ 54 ຄົນ ມີສັຍຍານທີ່ດີເນື່ອງຈາກມີຈຳນວນຕົວເລກຜູ້ຕິດເຊື້ອທີ່ເພີ່ມຂຶ້ນຄົນວັນໃນວັນນີ້ 10 ມີນນາ 131 ຄົນ ຖືວ່າຫຼຸດຕ່ຳລົງທີ່ສຸດ ຕັ້ງແຕ່ 26 ກຸມພາ ຈຳນວນຜູ້ຕິດເຊື້ອສ່ວນໃຫຍ່ຍັງຢູ່ໃນເມືອງແທກູ ລວມທັງຜູ້ເສຍຊີວິດກໍ່ຢູ່ເມືອງດັ່ງກ່າວ ໂດຍຜູ້ເສຍຊີວິດສ່ວນໃຫຍ່ເປັນຜູ້ສູງອາຍຸ ຊຶ່ງໃນ ສ.ເກົາຫລີ ມີອັດຕາເສຍຊີວິດຈາກ COVID-19 ຢູ່ທີ່ບໍ່ເຖິງ1%.

ສ.ເກົາ​ຫລີ ກໍ່​ກະ​ທົບ​ໜັກ ຈາກ COVID-19 ລະ​ບາດ

ສຳລັບກໍລະນີປ້າໝາຍເລກທີ 31 ແລະ ລັດທິຊິນຊອນຈິ ທີ່ຄາດວ່າເປັນຈຸດເລີ່ມຕົ້ນຂອງການລະບາດໃນ ສ.ເກົາຫລີ ມີຄົນງານຕົວເລກອອກມາວ່າ 63% ຂອງຜູ້ຕິດເຊື້ອກ່ຽວຂ້ອງກັບລັດທິຊິນຊອນຈິ ແລະ ສາເຫດຫນຶ່ງທີ່ຕອນນີ້ ຕົວເລກຜູ້ຕິດເຊື້ອຄົນໃຫມ່ໃນ ສ.ເກາຫລີ ເລີ່ມຫຼຸດໜ້ອຍລົງ ເນື່ອງມາຈາກ “ທາງໄດ້ກວດສາວົກ ແລະ ຜູ້ກ່ຽວຂ້ອງກັບລັດທິຊິນຊອນຈິ ໄປທັງໝົດທັງ 210.000ຄົນ ແລ້ວ ຕາມຂໍ້ມູນທີ່ອ້າງອີງຈາກ Yonhap News ສື່ໃນ ສ.ເກົາຫລີ