10 ອັນ​ດັບປະເທດທີ່ມີຜູ້ຕິດເຊື້ອ COVID-19 ຫຼາຍສຸດ ນອກຈາກ ສ​ປ ຈີນ

768

ການລະບາດຂອງພະຍາດໄວຣັສ COVID-19 ມາ​ຮອດ​ວັນ​ທີ 8 ມີ​ນາ 2020 ໄດ້ແຜ່ລາມໄປກວ່າ 96 ປະເທດ ມີຍອດຜູ້ຕິດເຊື້ອທະລຸ ແສນຄົນແລ້ວ ແລະ ມາເບິ່ງຕົວເລກປະເທດທີ່ມີຜູ້ຕິດເຊື້ອ COVID-19 ຫຼາຍສຸດ 10 ອັນດັບ ທີ່ນອກຈາກ ສປ ຈີນ

1. ສ.ເກົາຫລີ ຕິດເຊື້ອ 7.313 ຄົນ ຫາຍດີ 130 ຄົນ ເສຍຊີວິດ 50 ຄົນ ມີສັນຍານທີ່ດີ ເນື່ອງຈາກມີຈຳນວນຕົວເລກຜູ້ຕິດເຊື້ອທີ່ເພີ່ມຂຶ້ນໃນວັນນີ້ 8 ມີນາ ໜ້ອຍທີ່ສຸດນັບຕັ້ງແຕ່ 26 ກຸມພາ 2020 ໂດຍເພີ່ມຂຶ້ນ 179 ຄົນ

2. ອິຣານ: ຕິດເຊື້ອ 6.566 ຄົນ ຫາຍດີ 2.132ຄົນ ເສຍຊີວິດ 194 ຄົນ ຈຸດເລີ່ມຕົ້ນຂອງການລະບາດຫນັກໃນອິຣານ ມີການຄົນງານຜູ້ຕິດເຊື້ອເປັນຄັ້ງທຳອິດວັນທີ່ 19 ກຸມພາ ໂດຍເມືອງທີ່ມີການລະບາດຫນັກຢູ່ທີ່ເມືອງກອມ (Qom ຢູ່ບໍ່ໄກຈາກນະຄອນເຕຫະຣານ ເມືອງຫຼວງຂອງອິຣານ ປະມານ 120-140ກມ) ຜູ້ຕິດເຊື້ອຈຳນວນຫຼາຍໃນຕອນທຳອິດ ມີປະວັດເດິນທາງໄປເມືອງກອມ ຫຼື ອອກຈາກເມືອງກອມ ໄປຍັງເມືອງອື່ນໃນອິຣານ ລວມທັງຄົນໃນອິຣານທີ່ໃກ້ຊິດ ຫຼື ພົບປະກັບຄົນທີ່ມີປະວັດເຫຼົ່ານີ້ ຫນຶ່ງໃນຂໍ້ສັນນິຖານຂອງການລະບາດຫນັກໃນເມືອງກອມ ຈົນລະບາດໄປຍັງພື້ນທີ່ອື່ນໃນອິຣານຄື: ແຮງງານ ຈີນທີ່ເຂົ້າມາເຮັດງານໃນເມືອງກອມ ສຳລັບການຮັກສາພະຍາບານປະເທດຈີນໄດ້ສົ່ງທີມຜູ້ຊ່ຽວຊານທາງການແພດເຂົ້າໄປຊ່ວຍອິຣານດ້ວຍ

3. ອິຕາລີ: ຕິດເຊື້ອ 6.012 ຄົນ ຫາຍດີ 589 ຄົນ ເສຍຊີວິດ 233 ຄົນ ເລີ່ມທຳອິດສຸດທີ່ມີການພົບຜູ້ຕິດເຊື້ອໃນອິຕາລີ ມາຈາກນັກທ່ອງທ່ຽວຈີນທີ່ເດີນທາງໄປທ່ຽວທີ່ອິຕາລີ ແຕ່ສາເຫດທີ່ອິຕາລີ ມີຍອດຜູ້ຕິດເຊື້ອສູງຂຶ້ນ ໂດຍສະເພາະທາງຕອນເຫນືອຂອງປະເທດ ທີ່ Lombardy ຄາດກັນວ່າມາຈາກຜູ້ຊາຍອິ ຕາລີ ອາຍຸ 38 ປີ ໄດ້ພົບປະກັບເພືອນທີ່ຫາກໍ່ໄປຈີນມາ ໃນວັນທີ 20 ມັງກອນ ແຕ່ລາວເລີ່ມມາມີອາການປ່ວຍໃນວັນທີ 14 ກຸມພາ ຊຶ່ງຕອນທຳອິດ ໝໍວິນິໄສວ່າເປັນໄຂ້ຫວັດໃຫຍ່ ແຕ່ຫລັງຈາກນັ້ນອາການຫນັກຂຶ້ນ ແລະ ກໍ່ໄດ້ຮັບການວິນິໄສວ່າຕິດເຊື້ອ COVID-19 ລວມທັງເມຍຂອງເຂົາທີ່ກຳລັງຖືພາ, ຕັ້ງແຕ່ນັ້ນມາເລີ່ມມີຄົນງານຕິດເຊື້ອເພີ່ມຫຼາຍຂຶ້ນໃນ Lombardy ລວມທັງໝໍ ແລະ ພະຍາບານໃນໂຮງໝໍ ທີ່ຊາຍຜູ້ນີ້ຮັກສາຕົວ ຈຸດສຳຄັນຄືຂະນະທີ່ລາວບໍ່ມີອາການປ່ວຍໃດໆ ໃຊ້ຊີວິດຕາມປົກກະຕິ ເປັນເວລາກວ່າ 1 ອາທິດ ກ່ອນທີ່ຈະຖືກວິນິໄສວ່າຕິດເຊື້ອ ແຕ່ທາງການແພດເຊື່ອວ່າ ເຊື້ອສາມາດແຜ່ຈາກລາວໄປຍັງຄົນອື່ນໄດ້ ແມ່ນຈະບໍ່ມີອາການສະແດງອອກມາ ແລະ ນີ້ອາດຈະເປັນທີ່ມາຂອງການລະບາດໃຫຍ່ໃນອິຕາລີ ແລະ ນອກຈາກ Lombardy ອີກທີ່ຫນຶ່ງທີ່ລະບາດຫນັກກໍ່ຄື Veneto ໂດຍຜູ້ປ່ວຍຄົນທຳອິດຂອງເມືອງນັ້ນມີປະວັດເດິນທາງໄປຍັງ Codogno ແຄວ້ນ Lombardy ເມືອງດຽວກັບຊາຍຄົນນີ້ ໂດຍລ່າສຸດ ທາງອິຕາລີ ໄດ້ປິດແຄວ້ນ Lombardy ແລະ Veneto ເພື່ອຄວບຄຸມ ແລະ ປ້ອງກັນການລະບາດແລ້ວ

4. ຍີ່ປຸ່ນ: ຕິດເຊື້ອ 1.162 ຄົນ ຫາຍດີ 325 ຄົນ ເສຍຊີວິດ 14 ຄົນ

5. ຝຣັ່ງ: ຕິດເຊື້ອ 949 ຄົນ ຫາຍດີ 12 ຄົນ ເສຍຊີວິດ 16 ຄົນ

6. ເຢຍລະມັນ: ຕິດເຊື້ອ 847 ຄົນ ຫາຍດີ 18 ຄົນ ເຢຍມັນ ເປັນອີກປະເທດຫນຶ່ງທີ່ຈຳນວນຜູ້ຕິດເຊື້ອເພິ່ມຂຶ້ນອຢ່າງກ້າວກລະໂດດ ໂດຍຫນຶ່ງໃນສາເຫດມາຈາກ ສອງສາມີພັນລະຍາຄູ່ຫນຶ່ງ (ຕອນນີ້ໄດ້ຮັບການຢືນຢັນວ່າປ່ວຍ COVID-19) ໄດ້ເຂົ້າຮ່ວມງານ Carnival ພາຍໃນເມືອງ North Rhine-Westphalia ຫລັງຈາກນັ້ນກໍ່ເລີ່ມມີຜູ້ປ່ວຍ COVID-19 ເພີ່ມຂຶ້ນຢ່າງຕໍ່ເນື່ອງ ໂດຍມີຜູ້ປ່ວຍຫຼາຍທີ່ສຸດໃນເຢຍມັນໃນຕອນນີ້ ຈຳນວນ 392 ຄົນ ນອກຈາກ North Rhine-Westphalia ຍັງພົບພື້ນທີ່ທີ່ມີຜູ້ຕິດເຊື້ອຈຳນວນຫຼາຍ ທີ່ມີຫຼາຍກວ່າ 100 ຄົນ ອີກ 2 ພື້ນທີ່ຄື: Baden-Württemberg ຜູ້ຕິດເຊື້ອ 182 ຄົນ, Bavaria ຜູ້ຕິດເຊື້ອ 148 ຄົນ

7. ສະເປນ: ຕິດເຊື້ອ 613 ຄົນ ຫາຍດີ 30 ຄົນ ເສຍຊີວິດ 17 ຄົນ ແມ່ນຜູ້ຕິດເຊື້ອຄົນທຳອິດຈະບໍ່ໄດ້ກ່ຽວຂ້ອງກັບອິຕາລີ ແຕ່ຕອນນີ້ຜູ້ຕິດເຊື້ອສ່ວນໃຫຍ່ມີປະວັດເດີນທາງໄປໃນອິຕາລີ ໂດຍສະເພາະທາງຕອນເຫນືອຂອງອິຕາລີ ຫຼື ມີຄວາມກ່ຽວຂ້ອງ-ພົບປະຫວັດຕິດຕໍ່ກັບຄົນທີ່ມີປະວັດເດິນທາງໄປ

8. ສະຫະລັດອາເມຣິກາ: ຕິດເຊື້ອ 445 ຄົນ ຫາຍດີ 10 ຄົນ ເສຍຊີວິດ 19 ຄົນ

9. ສະວິດເຊີແລນ: ຕິດເຊື້ອ 281 ຄົນ ຫາຍດີ 3 ຄົນ ເສຍຊີວິດ 2 ຄົນ

10. ອັງກິດ ຕິດເຊື້ອ 273 ຄົນ ຫາຍດີ 18 ຄົນ ເສຍຊີວິດ 2 ຄົນ

ຂໍ້​ມູນ​ແປ​ຈ​າກ: อ้ายจง ສະ​ບັບ​ພາ​ສາ​ໄທ