ອົງການອະນາໄມໂລກຢືນຢັນໂຄວິດ-19ຈະບໍ່ແຜ່ລາມທົ່ວໂລກ

906

ທ່ານ ທີໂດຣດ ອັນຮານອມ ກີບຣີເຢຊຸດ ຜູ້ອໍານວຍການໃຫຍ່ອົງການອະນາໄມໂລກກ່າວວ່າ:ປັດຈຸບັນໂຄວິດ-19ຍັງບໍ່ເຂົ້າສູ່ພາວະແຜ່ລະບາດລຸກລາມໄປທົ່ວໂລກ,ແຕ່ປະເທດຕ່າງໆຈະຕ້ອງກຽມຮັບມືສະຖານະການດັ່ງກ່າວ.

ຢ່າງໃດກໍຕາມ,ອົງການອະນາໄມໂລກ ແລະ ຜູ້ຊ່ຽວຊານດ້ານພະຍາດລະບາດກັງວົນວ່າການລະບາດຂອງໂຄວິດ-19ກໍາລັງຫຍັບເຂົ້າໃກ້ສູ່ລະດັບການລະບາດໃຫຍ່ຫຼັງເຫັນການເຊື້ອຢ່າງໄວວາໃນຫຼາຍປະເທດເຊັ່ນສ.ເກົາຫຼີ,ອິຕາລີ ແລະ ອີຣານ.

ທ່ານ ສຈ.ພອນ ຮັນເຕີ ຈາກມະຫາວິທະຍາໄລອີດ ແອງເກລຍໃນອັງກິດເຫັນດີກັບຜູ້ອໍານວຍການໃຫຍ່ອົງການອະນາໄມໂລກ ແລະ ກ່າວວ່າການເພີ່ມຂຶ້ນຂອງຜູ້ຕິດເຊື້ອໃໝ່ນອກປະເທດຈີນເປັນເລື່ອງທີ່ໜ້າກັງວົນຫຼາຍ.

ໃນຈີນເຊິ່ງສະຖານທີ່ເກີດພະຍາດຮ້າຍໃນຄັ້ງນີ້ຂະນະນີ້ຈໍານວນຜູ້ຕິດເຊື້ອຢູ່ທີ່ປະມານ77.000ຄົນ ແລະ ມີຜູ້ເສຍຊີວິດເກືອບ2.600ຄົນ.ສ່ວນອີກ30ປະເທດທົ່ວໂລກມີຈໍານວນຜູ້ຕິດເຊື້ອລວມກັນຫຼາຍກວ່າ1.200ຄົນ ແລະ ມີຜູ້ເສຍຊີວິດກວ່າ20ຄົນ.