ສ.ເກົາຫຼີ ມີຍອດຜູ້ຕິດເຊື້ອໂຄວິດ-19 ສູງທະລຸ 1.146 ຄົນແລ້ວ

525

ສ.ເກົາຫລີກັງວົນໜັກຕໍ່ຈາກ ສປ ຈີນ ຫຼັງພົບຜູ້ຕິດເຊື້ອລາຍໃຫມ່ເພີ່ທສູງບໍ່ຢຸດ ສົ່ງຜົນຕໍ່ຍອດຜູ້ຕິດເຊື້ອທະລຸຫລັກພັນແລ້ວ ໃນຈຳນວນນີ້ມີທະຫາອາເມຣິກັນ ທີ່ຄ່າຍໃກ້ເມືອງແທກູຕິດເຊື້ອແລ້ວ 1 ຄົນ, ສ່ວນຍອດການເສຍຊີວິດຢູ່ທີ່ 12 ຄົນ.

ໃນວັນທີ 26 ກຸມພາ 2020 ອ້າງອີງການລາຍງານຈາກສຳນັກຂ່າວຣອຍເຕີ ແລະ ຊີເອັນເອັນ ລາຍງານຄວາມຄືບຫນ້າສະຖານການລະບາດຂອງໂຣກປອດອັກເສບ ຈາກການຕິດເຊື້ອໄວຣັສໂຄໂຣນາສາຍພັນໃຫມ່ 2019 ຫຼື COVID-19 (ໂຄວິດ-19) ທີ່ກຳລັງແຜ່ກະຈາຍເປັນວົງກວ້າງໄປຫລາຍປະເທດທົ່ວໂລກ ຈົນສ້າງຄວາມວິຕົກກັງວົນ ເຖິງແມ່ນຂະນະນີ້ ສປ ຈີນ ພົບຜູ້ຕິດເຊື້ອ ໂດຍສະເພາະເມືອງອູ່ຫັ່ນ ສູນກາງການລະບາດໜ້ອຍລົງ.

ເຈົ້າຫນ້າທີ່ສາທາລະນະສຸກ ສ.ເກາຫລີ ເປີດເຜີຍຈຳນວນຜູ້ຕິດເຊື້ອໂຄວິດ-19 ໃນ ສ.ເກາຫລີ ໄດ້ທະລຸຫລັກ 1.000 ໄປແລ້ວ ໂດຍຈົນເຖິງເວລາປະມານ 11.00 ໂມງ ຂອງວັນທີ 26 ກຸມພານີ້ ຕາມເວລາໃນປະເທດລາວ ພົບຜູ້ຕິດເຊື້ອລາຍໃຫມ່ອີກ 169 ຄົນ ເຮັດໃຫ້ມີຜູ້ຕິດເຊື້ອໃນ ສ.ເກົາຫລີ ເພີ່ມເປັນ 1.146 ຄົນ ແລະ ຍອດຜູ້ເສຍຊີວິດເພີ່ມເປັນ 12 ຄົນ ຊຶ່ງໃນຈຳນວນຜູ້ຕິດເຊື້ອໃນ ສ.ເກົາຫລີ ຫຼາຍກວ່າເຄິ່ງຫນຶ່ງຕິດເຊື້ອຈາກການໄປຮ່ວມກິດຈະກຳທີ່ໂບດຄຣິສ ຊິນຊອນຈີ ໃນເມືອງແທກູ ທາງພາກໃຕ້ຂອງປະເທດ.

ນອກຈາກນັ້ນ, ເຈົ້າຫນ້າທີ່ ສ.ເກົາຫລີ ຍັງເຜີຍວ່າ ໃນຈຳນວນຜູ້ຕິດເຊື້ອໂຄວິດ-19 ໃນສ.ເກາຫລີ 169 ຄົນນັ້ນ ເປັນທະຫານອາເມຣິກັນ 1 ຄົນ ຊຶ່ງຖືເປັນທະຫານໃນກອງທັບອາເມຣິກາ ຄົນທຳອິດທີ່ພົບວ່າຕິດເຊື້ອໃນ ສ.ເກົາຫລີ ໂດຍທະຫາອາເມຣິກາຄົນນີ້ ສັງກັດຢູ່ທີ່ຄ່າຍທະຫານ Camp Carroll ຫ່າງຈາກເມືອງແທກູ ປະມານ 20 ກິໂລເມດ. ອີກທັງຍັງຢູ່ໃກ້ກັບສູນຄົນພິການ ຊຶ່ງເປັນສູນກາງການລະບາດຂອງໂຄວິດ-19 ໃນ ສ.ເກົາຫລີ.

ແປຈາກ: https://www.thairath.co.th/news/foreign/1780785?fbclid=IwAR1ZPC0MRYMNfTgAUB9GxucZWMsOAkJeNt3lqP849puV_Aw1VlWGh1D3yHk