ຜູ້ລີ້ໄພໄນເຈີຍາດເຄື່ອງແຈກຢຽບກັນຕາຍ20ຄົນ

442

ຜູ້ລີ້ໄພຢຽບກັນເສຍຊີວິດ20ຄົນປະກອບມີແມ່ຍິງ15ຄົນ ແລະ ເດັກນ້ອຍ5ຄົນຂະນະຍາດເຄື່ອງແຈກປະເພດອາຫານ ແລະ ເງິນພາຍໃນຄ້າຍຜູ້ລີ້ໄພທາງຕາເວັນອອກສຽງໃຕ້ຂອງປະເທດ ໄນເຈີເມື່ອບໍ່ດົນມານີ້.

ເຫດເກີດຂຶ້ນເມື່ອວັນທີ17ເດືອນ ກຸມພາທີ່ຜ່ານມາຢູ່ທີ່ສູນເດັກນ້ອຍ ແລະ ວັດທະນະທໍາພາຍໃນຄ້າຍຜູ້ລີ້ໄພເມືອງ ດິບຟາ ລັດດິບຟາ ທາງຕາເວັນອອກສຽງໃຕ້ຂອງ ໄນເຈີເຊິ່ງມີຜູ້ລີ້ໄພ ແລະ ຜູ້ພັດຖິ່ນອາໄສຢູ່ກວ່າ250.000ຄົນ.

ທັງນີ້,ເຄື່ອງທີ່ນໍາມາແຈກໄດ້ຮັບການບໍລິຈາກຈາກທ່ານ ບາບາການາ ອູມາຣາຊູລຸມ ເຈົ້າຄອງລັດບໍໂນທາງຕາເວັນອອກສຽງເໜືອຂອງໄນເຈີ.

ທ່ານ ອິນຊາ ລາມິເນ ເຈົ້າຄອງລັດດິບຟາກ່າວວ່າ:ການຍາດເຄື່ອງຂອງປະຊາຊົນເຮັດໃຫ້ມີຜູ້ຢຽບກັນຈົນເສຍຊີວິດມີ20ຄົນ ແລະ ໄດ້ຮັບບາດເຈັບ16ຄົນໂດຍເຈົ້າໜ້າທີ່ກໍາລັງສືບສວນຫາສາເຫດໃນຄັ້ງນີ້.