ໂຄວິດ-19ຄາດສ້າງຄວາມເສຍຫາຍຫຼາຍກວ່າກໍ່ການຮ້າຍ

474

ທ່ານ ເທໂດຣດ ອັດມັນ ເກເບຣເຢຊຸດ ຜູ້ອໍານວຍການໃຫຍ່ອົງການອະນາໄມໂລກກ່າວວ່າ:ທົ່ວໂລກຄວນພິຈາລະນາຫາທາງຮັບມືການລະບາດຂອງໂຄວິດ-19ເປັນວາລະສໍາຄັນເນື່ອງຈາກຈະສົ່ງຜົນກະທົບຮ້າຍແຮງຕໍ່ເສດຖະກິດ,ສັງຄົມ ແລະ ການເມືອງຫຼາຍກວ່າການກໍ່ການຮ້າຍ.

ຂະນະທີ່ການປ້ອງກັນພະຍາດດັ່ງກ່າວຍັງຢູ່ໃນໄລຍະເລີ່ມຕົ້ນເຊິ່ງອາດຈະຕ້ອງໃຊ້ເວລາເຖິງ18ເດືອນເປັນຢ່າງໜ້ອຍໃນການພັດທະນາວັກແຊັງໄລຍະທໍາອິດ,ແຕ່ໄລຍະນີ້ການກວາດຫາຜູ້ຕິດພະຍາດຢ່າງທັນທ່ວງທີ່ຕະຫຼອດຮອດການປ້ອງກັນຕົນເອງຈາກພະຍາດດ້ວຍວິທີເບື້ອງຕົ້ນເປັນສິ່ງຈໍາເປັນເລັ່ງດ່ວນເພື່ອສະກັດກັ້ນການລະບາດ.

ປັດຈຸບັນ,ຍອດຜູ້ເສຍຊີວິດຈາກພະຍາດຮ້າຍດັ່ງກ່າວທົ່ວໂລກຢູ່ທີ່1.107ຄົນຈາກຕົວເລກເມື່ອວານນີ້;ສ່ວນຍອດຜູ້ຕິດພະຍາດທົ່ວໂລກຢູ່ທີ່44.138ຄົນ.

ດ້ານນັກວິເຄາະຈາກ ເຈພີມໍແກນ ປັບຫຼຸດການຂະຫຍາຍຕົວທາງເສດະກິດຂອງຈີນລົງໃນໄລຍະໄຕມາດທໍາອິດຂອງປີນີ້,ສ່ວນຜົນກະທົບຕໍ່ເສດຖະກິດໂລກອາດຈະມີຜົນໃນໄລຍະ1-2ເດືອນທໍາອິດຂອງປີນີ້.