ສປຊຍື່ນມືຊ່ວຍອາຟຣິກາຢຸດຢັ້ງຕັກແຕນທະເລຊາຍລະບາດ

428

ອົງການສະຫະປະຊາຊາດເຕືອນວ່າ:ຫາກບໍ່ສາມາດຢຸດຢັ້ງການຄຸກຄາມເນື້ອທີ່ປູກຝັງຈາກຝູກຕັກແຕນທະເລຊາຍໃນທະວີບອາຟຣິກາພາຍໃນ1ເດືອນນັບຈາກນີ້,ທະວີບດັ່ງກ່າວເຊິ່ງຂາດອາຫານເປັນທຶນເກົ່າຢູ່ແລ້ວຈະປະເຊີນກັບສະຖານະການຮ້າຍແຮງກວ່ານີ້.

ສະຖານະການຝູງຕັກແຕນທະເລາຍທໍາລາຍເນື້ອທີ່ປູກຝັງໃນຫຼາຍປະເທດໃນທະວີບອາຟຣິການັ້ນມີທ່າອ່ຽງເປັນຫາຍະນະໂດຍສະເພາະໃນແຫຼມອາຟຣິກາຫຼືຕາເວັນອອກສຽງ  ເໜືອຂອງອາຟຣິກາເຊິ່ງປະຊາກອນປະມານ12ລ້ານຄົນປະສົບກັບຄວາມທຸກຍາກໃນການເຂົ້າເຖິງແຫຼ່ງອາຫານ ແລະ ບໍ່ສາມາດຮັບມືກັບໄພຄຸກຄາມທາງທໍາມະຊາດທີ່ຈະສົ່ງຜົນກະທົບຕໍ່ແຫຼ່ງອາຫານໄດ້ອີກ.

ຢ່າງໃດກໍຕາມຈາກເປົ້າໝາຍລະດົມທຶນ76ລ້ານໂດລາ,ແຕ່ສປຊໄດ້ຮັບເງິນຊ່ວຍເຫຼືອບໍ່ເຖິງ20ລ້ານໂດລາໂດຍສປຊຕ້ອງການເງິນດັ່ງກ່າວໄປໃຊ້ເປັນທຶນສໍາລັບພາລະກິດສີດຢາຂ້າແມງໄມ້ເປັນບໍລິເວນກວ້າງໃຫ້ສໍາເລັດພາຍໃນອີກ3-4ອາທິດຕໍ່ໜ້າ.

ທັງນີ້,ຊາມາລີປະກາດສະຖານະການສຸກເສີນລະດັບປະເທດຈາກການຄຸກຄາມຂອງຝູງຕັກແຕນທະເລຊາຍເມື່ອຕົ້ນເດືອນນີ້ ແລະ ສະຖານະການດຽວກັນນີ້ໃນເຄນຢາຮ້າຍແຮງທີ່ສຸດໃນຮອບ25ປີ.