ຈີນເພີ່ມງົບນັບພັນຕື້ຢວນຊ່ວຍເສດຖະກິດໃນໄລຍະມີບັນຫາ

374

ຈີນເພີ່ມງົບປະມານເປັນຈໍານວນເງິນ1,2ພັນຕື້ຢວນເຂົ້າສູ່ລະບົບເສດຖະກິດເພື່ອໃຫ້ພັດທະນາໄປຢ່າງໝັ້ນທ່ຽງໃນໄລຍະການລະບາດຂອງພະຍາດຮ້າຍ.

ທະນາຄານກາງຈີນອອກຖະແຫຼງການເລື່ອງການໃຊ້ນະໂຍບາຍການເງິນຫຼາຍຢ່າງເພື່ອຮັກສາສະຖຽນລະພາບທາງເສດຖະກິດຂອງປະເທດໃຫ້ດໍາເນີນຕໍ່ໄປໄດ້ຢ່າງໝັ້ນທ່ຽງ ແລະ ເພື່ອຫຼຸດຄວາມປັ່ນປ່ວນຂອງຕະຫຼາດການເງິນໃນປະເທດໃນໄລຍະການລະບາດຂອງພະຍາດປອດອັດເສບສາຍພັນໃໝ່.

ທັງນີ້ໜຶ່ງໃນນະໂຍບາຍທີ່ທະນາຄານກາງຈີນປະກາດໃຊ້ຄືງົບປະມານສຸກເສີນ1,2ພັນຕື້ຢວນເພື່ອສົ່ງເສີມສະພາບຄ່ອງໃນລະບົບການເງິນຜ່ານການກະຕຸ້ນໃນລະດັບທີ່ທຸກຝ່າຍຍອມຮັບໄດ້.

ຂະນະທີ່ກະຊວງການເງິນຂອງຈີນປະກາດເມື່ອບໍ່ດົນມານີ້ວ່າໄດ້ມີການຍົກເວັ້ນພາສີໃຫ້ກັບສິນຄ້າທຸກຊະນິດຈາກຕ່າງປະເທດເຊິ່ງສົ່ງເຂົ້າມາຊ່ວຍເຫຼືອໜ່ວຍງານທຸກແຫ່ງ ແລະ ທຸກລະດັບຂອງລັດຖະບານໃນການຕໍ່ສູ້ກັບພະຍາດໃນຄັ້ງນີ້.