ອົດສະຕຣາລີປະກາດສະຖານະການສຸກເສີນໄຟປ່າເຂົ້າໃກ້ເມືອງຫຼວງ

368

ອົດສະຕຣາລີປະກາດສະຖານະການສຸກເສີນໄຟປ່າຫຍັບເຂົ້າໃກ້ເມືອງຫຼວງ ຫຼັງລຸກໄໝ້ຮ້າຍແຮງທີ່ສຸດໃນຮອບເກືອບສອງທົດສະວັດ.

ລັດຖະບານອົດສະຕຣາລີປະກາດສະຖານະການສຸກເສີນເລື່ອງໄຟປ່າທີ່ແຜ່ລາມຫຍັບເຂົ້າໃກ້ນະຄອນຫຼວງ ແຄນເບີຣາຫຼັງລຸກໄໝ້ຮ້າຍແຮງທີ່ສຸດໃນຮອບເກືອບ20ປີເຊິ່ງຈະເພີ່ມອໍານາດ ແລະ ຊັບພະຍາກອນໃຫ້ກັບເຈົ້າໜ້າທີ່ປ້ອງກັນ ແລະ ມອດໄຟຫຼັງໄຟປ່າທາງທິດໃຕ້ຂອງເມືອງຫຼວງແຫ່ງນີ້ຮ້າຍແຮງທີ່ສຸດນັບຕັ້ງແຕ່ປີ2003.

ໂດຍໄຟປ່າໄດ້ລຸກລາມກິນເນື້ອທີ່ໄປຫຼາຍກວ່າ17.000ເຮັກຕາໂດຍຈະມີການໃຊ້ປະກາດສະຖານະການສຸກເສີນຕໍໄປເລື້ອຍໆດາບໃດທີ່ນະຄອນຫຼວງຂອງອົດສະຕຣາລີຍັງຢູ່ໃນຄວາມສ່ຽງ.

ເມື່ອປີ2003ໄຟປ່າບໍລິເວນເຂດເທດສະບານ ແຄນເບີຣາເຮັດໃຫ້ມີປະຊາຊົນເສຍຊີວິດ4ຄົນ ແລະ ໄດ້ຮັບບາດເຈັບກວ່າ500ຄົນ ແລະ ເຮັດໃຫ້ບ້ານເຮືອນເສຍຫາຍໄປກວ່າ470ຫຼັງຄາເຮືອນ.