ແຈັກ ໝ່າ ບໍລິຈາກເງິນພັດທະນາວັກແຊັງຮັບມືພະຍາດຮ້າຍ

582

ທ່ານ ແຈັກ ໝ່າ ອະດີດດຜູ້ອໍານວຍການໃຫຍ່ ອາລີບາບາ ໃຫ້ການສະໜັບສະໜູນເງິນ100ລ້ານຢວນຜ່ານມູນນິທິແຈັກ ໝ່າ ເພື່ອໃຫ້ນໍາໄປພັດທະນາວັກແຊັງຮັບມືພະຍາດປອດອັກເສບສາຍພັນໃໝ່ທີ່ກໍາລັງລະບາດຢູ່ໃນຈີນ ແລະ ທົ່ວໂລກຂະນະນີ້.

ມູນນິທິແຈັກ ໝ່າໃຫ້ຮູ້ວ່າ:ແຈັກ ໝ່າ ໄດ້ມອບເງິນ40ລ້ານຢວນໃຫ້ກັບອົງກອນວິໄຈຂອງລັດຖະບານຈີນ2ແຫ່ງ ແລະ ບໍລິຈາກເງິນອີກ60ລ້ານຢວນເພື່ອໃຫ້ນໍາໄປໃຊ້ໃນການສະໜັບສະໜູນການປ້ອງກັນ ແລະ ບໍາບັດປິ່ນປົວຜູ້ຕິດພະຍາດຮ້າຍດັ່ງກ່າວ.

ນອກຈາກນີ້,ບໍລິສັດ ອາລີບາບາ ໃຫ້ເງິນບໍລິຈາກ1.000ລ້ານຢວນເພື່ອໃຫ້ນໍາໄປຊື້ອຸປະກອນທາງການແພດສົ່ງໄປເມືອງ ອູ່ຮັ້ນ ແລະ ທົ່ວແຂວງ ຫູເປີຍ ສູນກາງການລະບາດໃນຄັ້ງນີ້.

ຂະນະນີ້,ນັກວິທະຍາສາດຈາກຈີນ ແລະ ອີກຫຼາຍປະເທດຕ່າງເລັ່ງມືພັດທະນາວັກແຊັງເພື່ອຮັບມືພະຍາດ,ແຕ່ທ່ານ ແອນໂທນີ ເຟົາຊີ ຜູ້ອໍານວຍການສະຖາບັນໂລກພູມແພ້ ແລະ ພະຍາດຕິດເຊື້ອແຫ່ງຊາດຈີນປະເມີນວ່າອາດຕ້ອງເວລາດົນໃນການພັດທະນາວັກແຊັງພ້ອມໃຊ້.