ສອງປະເທດໃຫ້ສັດຕະຍາບັນຮັກສາຊາກເຮືອໄທທານິກ

373

ອາເມຣິກາ ແລະ ອັງກິດໄດ້ເຮັດຂໍ້ຕົກລົງໃນການປົກປ້ອງຊາກເຮືອໄທທານິກທີ່ຈົມຢູ່ກົ້ນທະເລບໍ່ໃຫ້ເສຍຫາຍຈາກການທໍາລາຍຂອງນັກສໍາຫຼວດ ແລະ ນັກທ່ອງທ່ຽວ.

ຊາກເຮືອໄທທານິກກະຈາຍເປັນບໍລິເວນກວ້າງເປັນໄລຍະທາງ4ກິໂລແມັດໃຕ້ມະຫາສະໝຸດອັດລັນຕິກຫຼັງຈາກທີ່ເຮືອສໍາລານລໍານີ້ຕໍາກັບພູນໍ້າກ້ອນເມື່ອປີ1912ແຕ່ຂະນະນີ້ມີຄວາມກັງວົນເພີ່ມຂຶ້ນເລື້ອຍໆວ່ານັກທ່ອງທ່ຽວຈະດໍານໍ້າລົງໄປຢິບເອົາວັດຖຸຕ່າງໆ,ຖິ້ມຂີ້ເຫຍື້ອຫຼືແມ້ແຕ່ເອົາແຜ່ນປ້າຍໄປວາງເພື່ອລະນຶກເຖິງຜູ້ໂດຍສານ ແລະ ລູກເຮືອທີ່ເສຍຊີວິດ1.500ຄົນ.

ພາຍໃຕ້ສົນທິສັນຍາລະຫວ່າງສອງປະເທດສະບັບນີ້ຈໍາກັດການເຂົ້າໄປຫາຊາກເຮືອໄທທານິກເຊິ່ງອັງກິດໄດ້ລົງນາມໄປເມື່ອປີ2003ແຕ່ທາງອາເມຣິກາຫາກໍໃຫ້ສັດຕະຍາບັນໄປເມື່ອເດືອນ ພະຈິກທີ່ຜ່ານມາ.

ທ່ານ ນາງ ນຸດຣັດ ການີ ລັດຖະມົນຕີກະຊວງທະເລຂອງອັງກິດກ່າວວ່າ:ໃນລະຫວ່າງທີ່ເດີນທາງໄປຢ້ຽມຢາມອຽກລັງເໜືອເຊິ່ງເປັນສະຖານທີ່ຕໍ່ເຮືອໄທທານິກວ່າສົນທິສັນຍານີ້ເປັນຂໍ້ຕົກລົງທີ່ມີຄວາມໝາຍເນື່ອງຈາກຊາກເຮືອໄທທານິກໄດ້ຮັບການເບິ່ງແຍງ.