ອົງການອະນາໄມໂລກຍັງບໍ່ປະກາດພາວະສຸກເສີນລະຫວ່າງປະເທດ

383

ອົງການອະນາໄມໂລກຍັງບໍ່ປະກາດພາວະສຸກເສີນລະຫວ່າງປະເທດຂໍຫາຫຼັກຖານເພີ່ມເຕີມຈາກພະຍາດປອດອັກເສບສາຍພັນໃໝ່ຈາກ,ຂະນະທີ່ຈໍານວນຜູ້ເສຍຊີວິດຈາກພະຍາດຮ້າຍດັ່ງກ່າວເພີ່ມເປັນ17ຄົນແລ້ວເມື່ອວານນີ້.

ສະຖານະການທີ່ເກີດຂຶ້ນມີພັດທະນາການຢ່າງຕໍ່ເນື່ອງ ແລະ ເປັນສະຖານະການທີ່ຊັບຊ້ອນໂດຍກອງປະຊຸມຂອງອົງການອະນາໄມໂລກຫຼ້າສຸດຍັງບໍ່ພົບຫຼັກຖານພຽງພໍທີ່ຈະປະກາດສະຖານະການສຸກເສີນລະຫວ່າງປະເທດເນື່ອງຈາກຈໍາເປັນຕ້ອງຫາຂໍ້ມູນເພີ່ມເຕີມ.

ໂດຍຜູ້ເສຍຊີວິດສ່ວນໃຫຍ່ຢູ່ທີ່ແຂວງ ຫູເປີຍ ເຊິ່ງມີເມືອງ ອູຮັນເປັນເມືອງເອກ ແລະ ພົບຜູ້ຕິດພະຍາດໃນເມືອງໃຫຍ່ອີກຫຼາຍແຫ່ງບໍ່ວ່າຈະເປັນປັກກິງ,ຊຽງໄຮ ແລະ ເສິນເຈິນ.

ຂະນະທີ່ຮົງກົງເຊິ່ງຕັ້ງຢູ່ໃກ້ກັບເສິນເຈິນທີ່ສຸດຍົກລະດັບມາດຕະການຢ່າງເຂັ້ມງວດກ່ຽວກັບບຸກຄົນເຊິ່ງເດີນທາງມາຈາກສະຖານທີ່ພະຍາດຮ້າຍລະບາດໂດຍສະເພາະເມືອງ ອູຮັນ.