ສະພາອີຣັກລົງມະຕິຖອນກອງທັບອາເມຣິກາອອກຈາກປະເທດ

410

ສະມາຊິກສະພາອີຣັກລົງມະຕິຖອນກອງທັບອາເມຣິກາອອກຈາກປະເທດຫຼັງເຫດການສັງຫານນາຍພົນຂອງອີຣານໃນນະຄອນຫຼວງ ແບກແດດ.

ບັນດາສະມາຊິກສະພາອີຣັກທັງໝົດ170ສຽງລົງມະຕິເປັນເອກະສັນໃນກອງປະຊຸມສະພາເມື່ອວັນອາທິດທີ່ຜ່ານມາເຫັນດີຮ່າງກົດໝາຍທີ່ກໍານົດໃຫ້ລັດຖະບານອາເມຣິກາຖອນກອງທັບອອກຈາກອີຣັກໂດຍອ້າງລັດຖະທໍາມະນູນມາດຕາ59 ແລະ 109 ແລະ ເປັນຄວາມເຫັນດີຂອງສະມາຊິກສະພາໃນຖານະຜູ້ແທນເພື່ອປົກປ້ອງຄວາມໝັ້ນຄົງ ແລະ ອະທິປະໄຕຂອງປະເທດ.

ການຜ່ານຮ່າງກົດໝາຍດັ່ງກ່າວຂອງສະພາອີຣັກໃນຄັ້ງນີ້ເກີດຂຶ້ນພຽງບໍ່ເທົ່າໃດມື້ຫຼັງອາເມຣິກາໃຊ້ໂດຣນສັງຫານນາຍພົນ ກາເຊັມ ໂຊໄລມານີ ຜູ້ບັນຊາການກອງກໍາລັງຄຸດສ໌ຂອງອີຣານຢູ່ທີ່ສະໜາມບິນສາກົນໃນນະຄອນຫຼວງ ແບກແດດຂອງປະເທດ ອີຣັກເມື່ອບໍ່ດົນມານີ້.

ຫຼ້າສຸດ,ກະຊວງການຕ່າງປະເທດອີຣັກລາຍງານວ່າ:ໄດ້ຍື່ນໜັງສື2ສະບັບເຖິງສປຊຮຽກຮ້ອງໃຫ້ມີການປະນາມອາເມຣິກາກໍລະນີລອບສັງຫານນາຍພົນຂອງອີຣານ.