ການປະທ້ວງກົດໝາຍມອບສັນຊາດອິນເດຍຍັງຮ້າຍແຮງ

323

ປະຊາຊົນອິນເດຍຍັງຄົງປະທ້ວງຕໍ່ຕ້ານກົດໝາຍສະຖານະພົນລະເມືອງສະບັບໃໝ່ທີ່ສະເໜີການມອບສັນຊາດໃຫ້ກັບຜູ້ອົບພະຍົບຜິດກົດໝາຍຈາກປະເທດເພື່ອນບ້ານ3ແຫ່ງໂດຍສະຖານະການຮ້າຍແຮງທີ່ສຸດໃນກຸ່ມລັດທາງຕາເວັນອອກສຽງເໜືອທີ່ຕິດກັບບັງກລາເທດ.

ທ່ານ ຣາມ ນາກໂກວິນ ປະທານາທິບໍດີອິນເດຍໄດ້ລົງນາມໃຫ້ກົດໝາຍວ່າດ້ວຍສະຖານະພາບພົນລະເມືອງຫຼືຊີເອບີສະບັບໃໝ່ເຊິ່ງເປັນບັນຍັດແກ້ໄຂເພີ່ມເຕີມຈາກກົດ  ໝາຍສະບັບເກົ່າປີ1955ມີຜົນບັງຄັບໃຊ້ເມື່ອວັນສຸກທີ່ຜ່ານມາພຽງບໍ່ເທົ່າໃດມື້ຫຼັງສະພາຮັບຮອງໂດຍເນື້ອໃນສໍາຄັນຂອງກົດໝາຍດັ່ງກ່າວຄືການມອບສັນຊາດອິນເດຍໃຫ້ກັບຜູ້ອົບພະຍົບຜິດກົດໝາຍທີ່ບໍ່ແມ່ນຄົນມຸດສະລິມຈາກອັບການິດສະຖານ,ບັງກລາເທດ ແລະ ປາກີສະຖານ.

ທັງນີ້,ລັດຖະບານອິນເດຍໃຫ້ເຫດຜົນວ່າກົດໝາຍມີເຈດຕະນາຊ່ວຍປົກປ້ອງຊົນເຜົ່າບາງຊົນເຜົ່າຈາກການຖືກກົດຂີ່ຂົ່ມເຫງໃນ3ປະເທດດັ່ງກ່າວ.

ຢ່າງໃດກໍຕາມ,ແຕ່ການລະບຸເງື່ອນໄຂຢ່າງຈະແຈ້ງວ່າຍົກເວັ້ນຊາວມຸດສະລິມຮຽກສຽງວິຈານຢ່າງໜັກຈາກຫຼາຍຝ່າຍເປັນເລືອກປະຕິບັດ ແະລ ສະກັດກັ້ນທາງສາສະໜາ.